ಪ್ರಾಣನಾಥನ ನೋಡುವ ಬನ್ನಿ

ರಾಗ : ಮಧ್ಯಮತಿ

ತಾಳ : ಆಟತಾಳ

ಪ್ರಾಣನಾಥನ ನೋಡುವ ಬನ್ನಿ| ಹರಿ ದಾಸರೆಲ್ಲ ||

ಬೇಡಿದ ಮುಕ್ತಿಯ ನೀಡುವ ನಾಡೋಳು|

ನೋಡುವ ಜನರ ಕಾಡುವ ನಮ್ಮ ದೊರೆ || ೧ ||

ಇಂದಿರೆ ಅರಸನ ಚರಣ ದ್ವಂದ್ವವ ಹೊಂದಿ

ಮಂದರಧರ ಮಧುಸೂದನ ಭಕ್ತನ || ೨ ||

ಹರಿಹರ ಕರಿವರದ ಪರಾತ್ಪರಾ

ಪುರುಷನ ಭಕ್ತನ ಪರಿಪಾಲನಮ್ಮ || ೩ ||

ಶ್ರೀದ ಹನುಮ ಭೀಮ ಮಧ್ವಾಂತರ್ಗತ

ರಾಮಕೃಷ್ಣ ವೇದವ್ಯಾಸಾರ್ಪಿತವೆಂದು || ೪ ||

ಸೃಷ್ಟಿಯೊಳಗೆ ಬಂದು ಮುಕ್ತ ಪುರಾನಿಂದು

ದುಷ್ಟ ದೈತ್ಯರ ಕೊಂದು ವೆಂಕಟವಿಠಲನ ದಾಸನೆಂದು || ೫ ||