ಭಾರತೀರಮಣ ಸದ್ಭಕ್ತ ಬಂಧೋ ಈ

ರಾಗ : ಕಾಂಬೋಧಿ

ತಾಳ : ಝಂಪೆತಾಳ

ಜಗನ್ನಾಥದಾಸರ ಕೃತಿ

ಭಾರತೀರಮಣ ಸದ್ಭಕ್ತ ಬಂಧೋ ಈ

ಘೋರ ಭವಭಯ ಪರಾಭವಗೈಸು ಬೇಗ | ಪ |

ಲೋಕಾಂತರಾತ್ಮಕನೆ ಈ ಕಮಲಜಾಂಡದೊಳು

ನಾ ಕಾಣೆ ನಿನ್ನುಳಿದು ಸಾಕುವವರ

ನೀ ಕೈಪಿಡಿದು ಕೃಪಾವಲೋಕನದಿ

ಭಕ್ತರಲಿ ಕರುಣವ ಮಾಡು ಮೈನಾಕಿವರಜನಕ | ೧ |

ಅನಿಲ ಎಮ್ಮ ಅವಗುಣವೆಣಿಸುವರೆ ಕಡೆಯುಂಟೆ

ಕೊನೆಗೆ ನೀನೆ ಗತಿಯೋ ಅನಿಮಿಶೇಷ

ಜನನಿ ಜನಕ ಭ್ರಾತ ಜನಪ ಗುರು ವರಮಿತ್ರ

ಎನಗೆ ನೀ ಸಕಲ ಸೌಖ್ಯದನೆಂದು ಪ್ರಾರ್ಥಿಸಿದೆ | ೨ |

ಹನುಮಭೀಮಾನಂದ ಮುನಿರಾಯ ನಿನ್ನ

ಪ್ರಾರ್ಥನೆ ಗೈಯುವರು ವಾಣಿ ಫಣಿಪ ಮೃಡರು

ಅನಿಮಿತ್ತ ಬಾಂಧವ ಜಗನ್ನಾಥ ವಿಠಲನ

ತನಯ ತಾಪಕರ ಬಂಧನ ಮೋಚನಮಾಡೋ | ೩ |