ನೋಡಿದ್ಯಾ ಸೀತಮ್ಮ ನೀ ನೋಡಿದ್ಯಾ

ರಾಗ : ಶಂಕರಾಭರಣ

ತಾಳ : ಅಟತಾಳ

ನೋಡಿದ್ಯಾ ಸೀತಮ್ಮ ನೀ ನೋಡಿದ್ಯಾ || ಪ ||

ನೋಡಿದ್ಯಾ ಹನುಮನಾರ್ಭಟವ, ಹಾಳು ಮಾಡಿದ ಕ್ಷಣದಲಿ ವನವಾ

ಆಹಾ | ಝಾಡಿಸಿ ಕಿತ್ತು ಈಡ್ಯಾಡಿ ವೃಕ್ಷಗಳ

ಕೊಂಡಾಡುವ ನಿನ್ನಯ ಕೋಡಗನ್ಹರುಷವ || ಅ ಪ ||

ಮಾತೆ ನಿನ್ನಾಜ್ಞೆಯ ಕೊಂಡು

ಆರ ಭೀತಿ ಇಲ್ಲದೆ ಫಲವ ಉಂಡು

ದೈತ್ಯದೂತ ಬರಲು ಭಾರಿ ಹಿಂಡು || ಆಹಾ ||

ವಾತಜಾತ ಬಂದ ಪಾತಕಿಗಳನ್ನೆಲ್ಲ

ತಾ ತವಕದಿ ಕೊಂದು ಭೂತಳಕ್ಹಾಕಿದ || ೧ ||

ಸೊಕ್ಕಿರಾವಣನೆಂಬ ಗಂಡ

ಮಹಲಕುಮಿಯನ ಕರಕೊಂಡ, ರಾಮ

ರಕ್ಕಸಾಂತಕ ಆಕೆ ಗಂಡ, ಕಪಿ

ಗಿಕ್ಕಿರೆಂದು ಕಮದಂಡ || ಆಹಾ ||

ಮಿಕ್ಕ ಖಳರು ಕೂಡಿ ಲೆಕ್ಕಿಸಿ ಮಾತಾಡಿ

ಸಿಕ್ಕರೆ ಬಿಡೆನೆಂದು ದಿಕ್ಕುಪಾಲಾದ || ೨ ||

ಎಷ್ಟೇಳವನ ಪ್ರತಾಪ, ನೋಡು

ಸುಟ್ಟೆನೆಂಬ ಲಂಕಾದ್ವೀಪ, ಎಂಥಾ

ಘಟ್ಟಿಗ ನೋಡೆ ನಮ್ಮಪ್ಪ || ಆಹಾ ||

ಸೃಷ್ಟೀಶ ಕೇಶವ ವಿಠಲರಾಯನ

ಮುಟ್ಟಿ ಭಜಿಸಲಜ ಪಟ್ಟಾಳೇನೆಂದ್ಹೋದಾ || ೩ ||