ಹನುಮನ ಮನೆಯವರು ನಾವೆಲ್ಲರೂ

ರಾಗ : ಬಿಲಹರಿ

ತಾಳ : ಆದಿತಾಳ

ಶ್ರೀ ವಿದ್ಯಾಪ್ರಸನ್ನತೀರ್ಥರ ಕೃತಿ

ಹನುಮನ ಮನೆಯವರು ನಾವೆಲ್ಲರೂ

ಹನುಮನ ಮನೆಯವರು || ಪ ||

ಅನುಮಾನ ಪಡೆದಲೆ ಸ್ಥಳವ ಕೊಡಿರಿ ಎಮಗೆ || ಅ ಪ ||

ಊರ್ಧ್ವಪುಂಡ್ರವ ನೋಡಿ ಶ್ರದ್ಧೆಭಕುತಿ ನೋಡಿ

ಹೃದ್ಗತವಾದೆಮ್ಮ ತತ್ವಗಳನೆ ನೋಡಿ

ಇದ್ದುದನಿಲ್ಲೆಂಬ ಅಬದ್ಧ ನುಡಿವರಲ್ಲಾ

ಮಧ್ವಮುನಿಯು ನಮ್ಮ ತಿದ್ದಿರುವುದ ನೋಡಿ || ೧ ||

ಸತ್ತ ಮಿಥ್ಯಗಳಿಗೆ ಅಂತರ ಬಲ್ಲೆವು

ಉತ್ತಮನೀಚರೆಂಬುವ ಭೇದ ಬಲ್ಲೆವು

ಸುತ್ತಲು ಕಂಡು ಕಾಣದೆ ಇಹ ಎಲ್ಲಕ್ಕೂ

ಉತ್ತಮನೊಬ್ಬನೇ ಹರಿಯೆಂದು ಬಲ್ಲೆವು || ೨ ||

ಹಲವು ಲೋಕಗಳುಂಟೆಂಬುದ ಬಲ್ಲೆವು

ಹಲವು ಯೋನಿಗಳಲ್ಲಿ ಜನ್ಮಗಳೊಲ್ಲೆವು

ಅಲವ ಬೋಧರು ನಮ್ಮ ಕಳುಹಿದರಿಲ್ಲಿಗೆ

ತಿಳಿಸಿ ಪ್ರಸನ್ನ ಶ್ರೀ ಹರಿಗೆ ವಿಚಾರವ || ೩ ||