ಈತನೇ ಕಾಣಿರೋ ಮಧ್ವಮುನಿ

ರಾಗ : ಮೋಹನ

ತಾಳ : ಮಿಶ್ರಛಾಪುತಾಳ

ಶ್ರೀ ವಾದಿರಾಜರ ಕೃತಿ

ಈತನೇ ಕಾಣಿರೋ ಮಧ್ವಮುನಿ || ಪ ||

ಪರಿಪರಿ ಶೃತಿಗಳೆಂಬ ಗುಹೆಗಳಲ್ಲಿ

ಕೇಸರಿಯಂತೆ ಚರಿಸುತ್ತ

ಹರಿಯೇ ಸರ್ವೋತ್ತಮನೆಂಬ ಘೋಷಗಳಿಂದ

ದುರುಳವಾದಿಗಳೆಂಬ ನರಿಗಳೋಡಿಸಿದಾತ || ೧ ||

ಸಕಲಾಗಮಗಳೆಂಬ ಶರಧಿಯೊಳಗೆ

ಮುಕುತಿಯಲಿ ಮಥಿಸಿ

ಅಕಳಂಕ ಶ್ರೀಹರಿಯೆಂಬ ರತ್ನವ ಕಂಡು

ಮುಕುಟದೊಳಗಿಟ್ಟು ಲೋಕದಿ ಮೆರೆದಾತ || ೨ ||

ವೇದಸಾರನೆಂಬ ಈಶತತ್ವವಾದ

ಸುಧೆಯ ಕಲ್ಪಿಸಿಕೊಂಡು

ಆದಿಮೂರುತಿ ಶ್ರೀ ಹಯವದನ ದಿವ್ಯ

ಪಾದಸೇವಕನಾದ ಮಧ್ವಮುನಿಯೆ೦ಬಾತ || ೩ ||