ರುದ್ರಾಂತರ್ಗತ ನಾರಸಿಂಹ ಪಾಹಿ

ರಾಗ : ಮಧ್ಯಮಾವತಿ

ತಾಳ : ಆಟತಾಳ

ರುದ್ರಾಂತರ್ಗತ ನಾರಸಿಂಹ ಪಾಹಿ

ರುದ್ರಾಂತರ್ಗತ ನಾರಸಿಂಹ ಪಾಹಿ

ಭದ್ರಮೂರುತಿ ನಿರ್ಗತಾಂಹ್ವ । ಪ ।

ಹೃದ್ರೋಗಕಳೆದು ಜ್ಞಾನಾರ್ದ್ರಸ್ವಾಂತನ ಮಾಡು

ಪದ್ರಸಾಮಗಘ ಸಮುದ್ರ ದಾಟಿಸಿ ಬೇಗ । ಅ ಪ ।

ಏಸೇಸು ಕಲ್ಪಗಳಲ್ಲಿ ನಿನ್ನ ದಾಸನಾನೆಂಬುದ ಬಲ್ಲಿ

ಈಶ ನೀನೆಂಬುದು ಲೇಶವರಿಯೆ

ಕ್ಲೇಶನಾಶನ ಪ್ರಭುವೆ ವಾರಾರಿಜೆವಲ್ಲಭ

ವಾಸವಾನುಜ ವನಧಿಶಯನ ಮಹೇಶವಂದಿತವರದ

ಹೇ ಕರುಣಾ ಸಮುದ್ರ ಕರಾಳವದನನೆ

ನೀ ಸಲಹದಿರೆ ಕಾಣೆ ಕಾವರ ।। ೧ ।।

ಹೇಮಕಶ್ಯಪು ತನ್ನ ಸುತನ ನೋಯಿಸೆ

ಶ್ರೀಮನೋಹರನೆ ಆನತನ್ನ ವ್ಯೋಮ ಪರ್ವತ

ಅಂಬುಧಿಧಾಮದೊಳುಳುಹಿ ಭೂಮಮುನಿಗಣ

ಸ್ತೋಮವಂದಿತಪಾದ ಸಾಮಜೇಂದ್ರನ ಸರಸಿಯೊಳು

ಸುತ್ರಾಮನಂದನನಾ ರಣದಿ ಕುರು ಭೂಮಿಪತಿ

ಸಭೆಯೊಳಗೆ ದ್ರೌಪದಿಯ ಆ ಮಹಾತ್ಮರ ಕಾಯ್ದ ಕರುಣಿ ।। ೨ ।।

ವೇದಗಮ್ಯ ವೇದವ್ಯಾಸ ಕಪಿಲ ಯಾದವೇಶ ಮಹಿದಾಸ

ಶ್ರೀದ ಶ್ರೀಷ ಅನ್ನಾದಿ ವಿಶ್ವಧನ್ವಂತ್ರಿ

ಮೇಧಾವಿಪತಿ ವಾಮನಾದಿರೂಪಕ ವಿಷ್ಣು

ಕಾದುಕೊ ನೀನವರ ಮನದ ವಿಷಾದ

ರೋಗಂಗಳನು ಅಳಿದು ಮಹದಾದಿದೇವ

ಜಗನ್ನಾಥವಿಠಲ ಆದರದಿ ಪ್ರಹ್ಲಾದ ವರದ ।। ೩ ।।