ನೆರೆನಂಬಿ ಪಡೆಯಿರೋ ಹಿತವ ನಮ್ಮ

ರಾಗ : ಪಂತುವರಾಳಿ

ತಾಳ : ತಿಶ್ರಛಾಪು

ವಾದಿರಾಜರ ಕೃತಿ

ನೆರೆನಂಬಿ ಪಡೆಯಿರೋ ಹಿತವ ನಮ್ಮ

ಗುರುವಾದ ಮಧ್ವಮುನಿ ಸಮ್ಮತವ | ಪ |

ತ್ರೇತೆಯೊಳಂಜನಾ ತನಯನಾಗಿ

ಸೀತಾರಮಣ ರಘುನಾಥಗೆ ಪ್ರಿಯ

ದೂತತನದಿ ಖಳತತಿಯ ಕೊಂದು

ಖ್ಯಾತಿ ಪಡೆದ ಹನುಮನಾದ ಯತಿಯ | ೧ |

ದ್ವಾಪರದಲಿ ಭೀಮನೆನಿಸಿ ಪಾಂಡು

ಭೂಪನರಸಿ ಕುಂತಿದೇವಿಯೊಳುದಿಸಿ

ಶ್ರೀಪತಿಗರ್ಥಿಯ ಸಲಿಸಿ ನೃಪಾನೃಪರೆಲ್ಲರ

ಕೊಂದ ಮಹಿಮನ್ನ ಭಜಿಸಿ | ೨ |

ಕಲಿಯುಗದಲ್ಲಿ ಯತಿಯಾಗಿ ಈ

ಇಳೆಯ ದುಶ್ಶ್ಯಾಸ್ತ್ರವ ಜಾರಿದ ವಿರಾಗಿ

ಕುಲಗುರು ಶ್ರೀ ಮಧ್ವಯೋಗಿ ನಮ್ಮ

ಚೆಲುವ ಹಯವದನ ಭಂಟನೆಂದು ಬಾಗಿ | ೩ |