ಸಂಕ್ಷಿಪ್ತ ಸುಂದರಕಾಂಡ

ಸಂಕ್ಷಿಪ್ತ ಸುಂದರಕಾಂಡ

ಕೊನೆಯ ಭಾಗ

ದಾಶೋಹಂ ಕೋಸಲೇಂದ್ರಸ್ಯ ರಾಮಸ್ಯಾಕ್ಲಿಷ್ಟ ಕರ್ಮಣಃ/

ಹನುಮಾನ್ ಶತ್ರು ಸೈನ್ಯಾನಾಂ ನಿಹಂತಾಮಾರುತಾತ್ಮಜಃ//೨೦೧//

ನ ರಾವಣ ಸಹಸ್ರಂ ಮೇ ಯುದ್ಧೇ ಪ್ರತಿ ಬಲಂ ಭವೇತ್/

ಶಿಲಾಭಿಸ್ತು ಪ್ರಹರತಃ ಪಾದಪೈಶ್ಚ ಸಹಸ್ರಶಃ//

ಅರ್ಧಯಿತ್ವಾ ಪುರೀಂ ಲಂಕಾಂ ಅಭಿವಾದ್ಯ ಚ ಮೈಧಿಲೀಮ್/

ಸಮೃದ್ಧಾರ್ಧೊ ಗಮಿಷ್ಯಾಮಿ ಮಿಷತಾಂ ಸರ್ವರಕ್ಷಸಾಂ//೨೦೨//

ಸ ತಂ ಪರಿಘಮಾದಾಯ ಜಘಾನ ರಜನೀಚರಾನ್/

ಸ ಪನ್ನಗಮಿವಾದಾಯ ಸ್ಫುರಂತಂ ವಿನತಾಸುತಃ//೨೦೩//

ಸ ರಾಕ್ಷಸಾನಾಂ ನಿಹತಂ ಮಹಾಬಲಂ/

ನಿಶಮ್ಯರಾಜಾ ಪರಿವೃತ್ತಲೋಚನಃ//

ಸಮಾದಿದೇಶಾಪ್ರತಿಮಂ ಪರಾಕ್ರಮೇ/

ಪ್ರಹಸ್ತಪುತ್ರಂ ಸಮರೇ ಸುದುರ್ಜಯಂ//೨೦೪//

ಸರೋಷ ಸಂವರ್ತಿತತಾಮ್ರಲೋಚನಃ/

ಪ್ರಹಸ್ತಪುತ್ರೇ ನಿಹತೇ ಮಹಾಬಲೇ//

ಅಮಾತ್ಯಪುತ್ರಾನತಿವೀರ್ಯವಿಕ್ರಮಾನ್/

ಸಮಾದಿದೇಶಾಶು ನಿಶಾಚರೇಶ್ವರಃ//೨೦೫//

ಸತಾನ್ ಪ್ರವೃದ್ಧಾನ್ ವಿನಿಹತ್ಯ ರಾಕ್ಷಸಾನ್

ಮಹಾಬಲಶ್ಚಂಡಪರಾಕ್ರಮಃ ಕಪಿ:

ಯುಯುತ್ಸುರನ್ಯೈ: ಪುನರೇವ ರಾಕ್ಷಸೈ:

ತದೇವ ವೀರೋಭಿ ಜಗಾಮ ತೋರಣಂ//೨೦೬//

ಹತಾನ್ ಮಂತ್ರಿಸುತಾನ್ ಬುದ್ಧ್ವಾ ವಾನರೇಣ ಮಹಾತ್ಮನಾ/

ರಾವಣಸ್ಸಂವೃತಾಕಾರಃ ಚಕಾರ ಮತಿಮುತ್ತಮಾಂ//೨೦೭//

ಸ ವಿರೂಪಾಕ್ಷಯೂಪಾಕ್ಷೌ ದುರ್ಧರಂ ಚೈವ ರಾಕ್ಷಸಂ/

ಪ್ರಹಸಂ ಭಾಸಕರ್ಣಂ ಚ ಪಂಚಸೇನಾಗ್ರ ನಾಯಕಾನ್//೨೦೮//

ತತಃ ಕಪಿಸ್ತಾನ್ ಧ್ವಜನೀಪತೀನ್ ರಣೇ

ನಿಹತ್ಯ ವೀರಾನ್ ಸಬಲಾನ್ ಸವಾಹನಾನ್/

ತದೇವ ವೀರಃ ಪರಿಗೃಹ್ಯತೋರಣಂ

ಕೃತಕ್ಷಣಃ ಕಾಲ ಇವ ಪ್ರಜಾಕ್ಷಯೇ//೨೦೯//

ತತಸ್ಸ ರಕ್ಷೋಧಿಪತಿರ್ಮಹಾತ್ಮಾ

ಹನೂಮಾತಾಕ್ಷೇ ನಿಹತೇ ಕುಮಾರೇ/

ಮನಸ್ಸಮಾಧಾಯ ತದೇಂದ್ರಕಲ್ಪಂ

ಸಮಾದಿದೇಶೇಂದ್ರಜಿತಂ ಸರೋಷಂ//೨೧೦//

ನಾನಾಶಸ್ತ್ರೈಶ್ಚ ಸಂಗ್ರಾಮೇ ವೈಶಾರದ್ಯಮರಿಂದಮಃ/

ಅವಸ್ಯಮೇವ ಬೋದ್ಧವ್ಯಂ ಕಾಮ್ಯಶ್ಚ ವಿಜಯೋ ರಣೇ//೨೧೧//

ತತಃ ಪಿತುಸ್ತದ್ವಚನಂ ನಿಶಮ್ಯ

ಪ್ರದಕ್ಷಿಣಂ ದಕ್ಷಸುತ ಪ್ರಭಾವಃ/

ಚಕಾರ ಭರ್ತಾರಮದೀನಸತ್ವೋ

ರಣಾಯ ವೀರಃ ಪ್ರತಿಪನ್ನ ಬುದ್ಧಿ://೨೧೨//

ಹನೂಮತೋ ವೇದ ನ ರಾಕ್ಷಸೋಂತರಂ

ನ ಮಾರುತಿಸ್ತಸ್ಯ ಮಹಾತ್ಮನೋಂತರಂ/

ಪರಸ್ಪರಂ ನಿರ್ವಿಷಹೌ ಬಭೂವತು:

ಸಮೇತ್ಯ ತೌ ದೇವಸಮಾನ ವಿಕ್ರಮೌ//೨೧೩//

ಅವಧ್ಯೋಯಮಿತಿ ಜ್ಞಾತ್ವಾ ತಮಸ್ತ್ರೇಣಾಸ್ತ್ರ ತತ್ವವಿತ್/

ನಿಜಗ್ರಾಹ ಮಹಾಬಾಹು: ಮಾರುತಾತ್ಮಮಿಂದ್ರಜಿತ್//೨೧೪//

ಸವೀರ್ಯಮಸ್ತ್ರಸ್ಯ ಕಪಿರ್ವಿಚಾರ್ಯ

ಪಿತಾಮಹಾನುಗ್ರಹಮಾತ್ಮನಶ್ಚ/

ವಿಮೋಕ್ಷಶಕ್ತಿಂ ಪರಿಚಿಂತಯಿತ್ವಾ

ಪಿತಾಮಹಾಜ್ಞಾ ಮನುವರ್ತತೇ ಸ್ಮ//೨೧೫//

ತಂ ಮತ್ತಮಿವ ಮಾತಂಗಂ ಬದ್ಧಂ ಕಪಿವರೋತ್ತಮಂ/

ರಾಕ್ಷಸಾ ರಾಕ್ಷಸೇಂದ್ರಾಯ ರಾವಣಾಯ ನ್ಯವೇದಯನ್//೨೧೬//

ಸ ತೈ: ಸಂಪೀಡ್ಯಮಾನೋಪಿ ರಕ್ಷೋಭಿರ್ಭೀಮವಿಕ್ರಮೈ:/

ವಿಸ್ಮಯಂ ಪರಮಂ ಗತ್ವಾ ರಕ್ಷೋಧಿಪಮವೈಕ್ಷತಾ//೨೧೭//

ಅಹೋ ರೂಪಮಹೋಧೈರ್ಯಂ ಅಹೋಸತ್ವಮಹೋದ್ಯುತಿ:

ಅಹೋ ರಾಕ್ಷಸರಾಜಸ್ಯ ಸರ್ವ ಲಕ್ಷಣಯುಕ್ತತಾ//೨೧೮//

ಯದ್ಯಧರ್ಮೋ ನ ಬಲವಾನ್ ಸ್ಯಾದಯಂ ರಾಕ್ಷಸೇಶ್ವರಃ/

ಸ್ಯಾದಯಂ ಸುರಲೋಕಸ್ಯ ಸಶಕ್ರಸ್ಯಾಪಿ ರಕ್ಷಿತಾ//೨೧೯//

ಸ ರಾಜಾ ರೋಷತಾಮ್ರಾಕ್ಷ: ಪ್ರಹಸ್ತಂ ಮಂತ್ರಿಸತ್ತಮಂ/

ಕಾಲಯುಕ್ತಮುವಾಚೇದಂ ವಚೋವಿಪುಲಮರ್ಧವತ್//೨೨೦//

ದುರಾತ್ಮಾ ಪೃಚ್ಚತಾಮೇಷ ಕುತಃ ಕಿಂ ವಾಸ್ಯ ಕಾರಣಂ/

ವನಭಂಗೇಚ ಕೋಸ್ಯಾರ್ಧೋ ರಾಕ್ಷಸೀನಾಂಚ ತರ್ಜನೇ//೨೨೧//

ರಾವಣಸ್ಯ ವಚಃ ಶ್ರುತ್ವಾ ಪ್ರಹಸ್ತೋ ವಾಕ್ಯಮಬ್ರವೀತ್/

ಸಮಾಶ್ವಸಿಹಿ ಭದ್ರಂ ತೇ ನ ಭೀ: ಕಾರ್ಯಾ ತ್ವಯೇ ಕಪೇ//೨೨೨//

ಯದಿ ತಾವತ್ ತ್ವಮಿಂದ್ರೇಣ ಪ್ರೇಷಿತೋ ರಾವಣಾಲಯಂ/

ತತ್ವಮಾಖ್ಯಾಹಿ ಮಾಭೂತ್ ತೇ ಭಯಂ ವಾನರ ಮೋಕ್ಷ್ಯಸೇ//೨೨೩//

ತಂ ಸಮೀಕ್ಷ್ಯ ಮಹಾಸತ್ವಂ ಸತ್ವವಾನ್ ಹರಿಸತ್ತಮಃ/

ವಾಕ್ಯಮರ್ಧವದವ್ಯಗ್ರಃ ತಂ ಉವಾಚ ದಶಾನನಂ//೨೨೪//

ಸತ್ಯಂ ರಾಕ್ಷಸ ರಾಜೇಂದ್ರ ಶೃಣುಷ್ವ ವಚನಂ ಮಮ/

ರಾಮದಾಸಸ್ಯ ದೂತಸ್ಯ ವಾನರಸ್ಯ ವಿಶೇಷತಃ//೨೨೫//

ಸರ್ವಾನ್ ಲೋಕಾನ್ ಸುಸಂಹೃತ್ಯ ಸಭೂತಾನ್ ಸ ಚರಾಚರಾನ್/

ಪುನರೇವ ತಥಾ ಸ್ರಷ್ಟುಂ ಶಕ್ತೋ ರಾಮೋ ಮಹಾಯಶಾಃ//೨೨೬//

ಬ್ರಹ್ಮಾ ಸ್ವಯಂಭೂ ಶ್ಚತುರಾನನೋವಾ

ರುದ್ರಸ್ತ್ರಿನೇತ್ರ ಸ್ತ್ರಿಪುರಾಂತಕೋವ/

ಇಂದ್ರೋ ಮಹೇಂದ್ರ ಸ್ಸುರನಾಯಕೋವಾ

ತ್ರಾತುಂ ನ ಶಕ್ತಾ ಯಧಿ ರಾಮವಧ್ಯಂ//೨೨೭//

ತಸ್ಯ ತದ್ವಚನಂ ಶ್ರುತ್ವಾ ವಾನರಸ್ಯ ಮಹಾತ್ಮನಃ/

ಅಜ್ಞಾಪಯದ್ವಧಂ ತಸ್ಯ ರಾವಣಃ ಕ್ರೋಧಮೂರ್ಚಿತಃ//೨೨೮//

ನಿಸ್ಚಿತಾರ್ಧಸ್ತತಸ್ಸಾಮ್ನಾಪೂಜ್ಯ ಶತ್ರುಜಿದಗ್ರಜಂ/

ಉವಾಚ ಹಿತ ಮತ್ಯರ್ಧಂ ವಾಕ್ಯಂ ವಾಕ್ಯ ವಿಶಾರದಃ//೨೨೯//

ಕ್ಷಮಸ್ವ ರೋಷಂ ತ್ಯಜ ರಾಕ್ಷಸೇಂದ್ರ

ಪ್ರಸೀದ ಮದ್ವಾಕ್ಯ ಮಿದಂ ಶೃಣುಷ್ವ/

ವರ್ಧಂ ನ ಕುರ್ವಂತಿ ಪರಾವರಜ್ಞಾಃ

ದೂತಸ್ಯಸಂತೋ ವಸುಧಾಧಿಪೇಂದ್ರಾಃ//೨೩೦//

ತಸ್ಯ ತದ್ವಚನಂ ಶ್ರುತ್ವಾ ದಶಗ್ರೀವೋ ಮಹಾಬಲಃ/

ದೇಶಕಾಲಹಿತಂ ವಾಕ್ಯಂ ಭ್ರಾತುರುತ್ತರ ಮಬ್ರವೀತ್//೨೩೧//

ಕಪೀನಾಂ ಕಿಲ ಲಾಂಗೂಲಂ ಇಷ್ತಂ ಭವತಿ ಭೂಷಣಂ/

ತದಸ್ಯ ದೀಪ್ಯತಾಂ ಶೀಘ್ರಂ ತೇನ ಧಗ್ಧೇನ ಗಚ್ಚತು//೨೩೨//

ಆಜ್ಞಾಪಯದ್ರಾಕ್ಷಸೇಂದ್ರ: ಪುರಂ ಸರ್ವಂ ಸಚತ್ವರಂ/

ವೇಷ್ಟಯಂತಿಸ್ಮ ಲಾಂಗೂಲಂ ಜೀರ್ಣೈ: ಕಾರ್ಪಾಸಕೈ: ಪಟೈ://೨೩೩//

ದೀಪ್ಯಮಾನೇ ತತಸ್ತಸ್ಯ ಲಾಂಗೂಲಾಗ್ರೇ ಹನೂಮತಃ/

ರಾಕ್ಷಸ್ಯಾ ಸ್ತಾ ವಿರೂಪಾಕ್ಷಃ ಶಂಸುರ್ದೇವ್ಯಾಸ್ತದಪ್ರಿಯಂ//೨೩೪//

ವೈದೇಹೀ ಶೋಕಸಂತಪ್ತಾ ಹುತಾಶನಮುಪಾಗತಂ//೨೩೫//

ಯದ್ಯಸ್ತಿ ಪತಿ ಶುಶ್ರೂಷಾ ಯದ್ಯಸ್ತಿ ಚರಿತಂ ತಪಃ/

ಯದಿ ಚಾಸ್ತೇಕಪತ್ನೀತ್ವಂ ಶೀತೋ ಭವ ಹನೂಮತಃ//೨೩೬//

ಯದಿ ಕಿಂಚಿದನುಕ್ರೋಶಃ ತಸ್ಯ ಮಯ್ಯಸ್ತಿ ಧೀಮತಃ/

ಯದಿ ವಾ ಭಾಗ್ಯಶೇಷೋಮೇ ಶೀತೋ ಭವ ಹನೂಮತಃ//೨೩೭//

ಯದಿ ಮಾಮೋ ವೃತ್ತಸಂಪನ್ನಾಂ ತತ್ಸಮಾಗಮಲಾಲಸಾಂ/

ಸ ವಿಜಾನಾತಿ ಧರ್ಮಾತ್ಮಾ ಶೀತೋ ಭವ ಹನೂಮತಃ//೨೩೮//

ಯದಿ ಮಾಂ ತಾರಯೇದಾರ್ಯಃ ಸುಗ್ರೀವಸ್ಸತ್ಯಸಂಗರಃ/

ಅಸ್ಮಾದ್ದುಃಖಾಂಬುಸಂರೋಧಾತ್ ಶೀತೋ ಭವ ಹನೂಮತಃ//೨೩೯//

ಲಂಕಾಂ ಸಮಸ್ತಾಂ ಸಂದೀಪ್ಯ ಲಾಂಗೂಲಾಗ್ನಿಂ ಮಹಾಬಲಃ/

ನಿರ್ವಾಪಯಾಮಾಸ ತದಾ ಸಮುದ್ರೇ ಹರಿಸತ್ತಮಃ//೨೪೦//

ಸಂದೀಪ್ಯಮಾನಾಂ ವಿಧ್ವಸ್ತಾಂ ತ್ರಸ್ತ ರಕ್ಷೋಗಣಾಂ ಪುರೀಂ/

ಅವೇಕ್ಷ್ಯ ಹನುಮಾನ್ ಲಂಕಾಚಿಂತಯಾಮಾಸ ವಾನರಃ//೨೪೧//

ತಸ್ಯಾಭೂತ್ಸುಮಹಾಂಸ್ತ್ರಾಸಃ ಕುತ್ಸಾಚಾತ್ಮನ್ಯಜಾಯತ

ಲಂಕಾಂ ಪ್ರದಹತಾ ಕರ್ಮ ಕಿಂಸ್ವಿತ್ಕೃತಮಿದಂ ಮಯಾ//೨೪೨//

ವಿನಷ್ಟಾ ಜಾನಕೀ ನೂನಂ ನ ಹ್ಯದಗ್ಧಃ ಪ್ರದೃಶ್ಯತೇ /

ಲಂಕಾಯಾಂ ಕಶ್ಚಿ ದುದ್ದೇಶಃ ಸರ್ವಾ ಭಸ್ಮೀಕೃತಾ ಪುರೀ//೨೪೩//

ತಪಸಾ ಸತ್ಯವಾಕ್ಯೇನ ಅನನ್ಯಾತ್ವಾಚ ಭರ್ತರಿ/

ಅಪಿ ಸಾ ನಿರ್ದಹೇದಗ್ನಿಂ ನ ತಾಮಗ್ನಿ: ಪ್ರಧಕ್ಷ್ಯತಿ//೨೪೪//

ಸ ತಥಾ ಚಿಂತಯಂಸ್ತತ್ರ ದೇವ್ಯಾ ಧರ್ಮ ಪರಿಗ್ರಹಂ/

ಶುಶ್ರಾವ ಹನುಮಾನ್ ವಾಕ್ಯಂ ಚಾರಣಾನಾಂ ಮಹಾತ್ಮನಾಂ//೨೪೫//

ದಗ್ದ್ಹೇಯಂ ನಗರೀ ಸರ್ವಾ ಸಾಟ್ಟಪ್ರಾಕಾರ ತೋರಣಾ/

ಜಾನಕೀ ನಚ ದಗ್ದ್ಹೇತಿ ವಿಸ್ಮಯೋ ಅದ್ಭುತ ಏವ ನಃ//೨೪೬//

ತತಸ್ತು ಶಿಂಶುಪಾಮೂಲೇ ಜಾನಕೀಂ ಪರ್ಯುಪಸ್ಥಿತಾಂ/

ಅಭಿವಾದ್ಯಾ ಬ್ರವೀದ್ದಿಷ್ಟ್ಯಾ ಪಶ್ಯಾಮಿ ತ್ವಾಮಿಹಾಕ್ಷತಾಂ//೨೪೭//

ತಮಾರುಹ್ಯ ಶೈಲೇಂದ್ರ೦ ವ್ಯವರ್ಧತ ಮಹಾಕಪಿ:/

ದಕ್ಷಿಣಾದುತ್ತರಂ ಪಾರಂ ಪ್ರಾರ್ಧಯನ್ ಲವಣಾಂಭಸಃ//೨೪೮//

ಸ ಮಾರುತ ಇವಾಕಾಶಂ ಮಾರುತಸ್ಯಾತ್ಮಸಂಭವಃ/

ಪ್ರಪೇದೇ ಹರಿಶಾರ್ದೂಲೋ ದಕ್ಷಿಣಾದುತ್ತರಂ ದಿಶಂ//೨೪೯//

ತತಸ್ತು ವೇಗವಾಂಸ್ತಸ್ಯ ಗಿರೇರ್ಗಿರಿ ನಿಭಃ ಕಪಿ:/

ನಿಪಪಾತ ಮಹೇಂದ್ರಸ್ಯ ಶಿಖರೇ ಪಾದಪಾಕುಲೇ//೨೫೦//

ತತಸ್ತೇ ಪ್ರೀತಿಮನಸಃ ಸರ್ವೇ ವಾನರಪುಂಗವಾಃ/

ಹನುಮಂತಂ ಮಹಾತ್ಮಾನಂ ಪರಿವಾರ್ಯೋಪತಸ್ಥಿರೇ//೨೫೧//

ಜಾಂಬವಾನ್ ಕಾರ್ಯವೃತ್ತಾಂತ೦ ಅಪೃಚ್ಛದನಿಲಾತ್ಮಜಂ/

ಕಥಂ ದೃಷ್ಟ್ವಾ ತ್ವಯಾ ದೇವೀ ಕಥಂ ವಾ ತತ್ರ ವರ್ತತೇ//೨೫೨//

ಏತದಾಖ್ಯಾಯ ತತ್ಸರ್ವಂ ಹನುಮಾನ್ ಮಾರುತಾತ್ಮಜಃ/

ಭೂಯಸ್ಸಮುಪಚಕ್ರಾಮ ವಚನಂ ವಕ್ತುಮುತ್ತರಂ//೨೫೩//

ಸಫಲೋ ರಾಘವೋದ್ಯೋಗಃ ಸುಗ್ರೀವಸ್ಯ ಚ ಸಂಭ್ರಮಃ/

ಶೀಲಮಾಸಾದ್ಯ ಸೀತಾಯಾ ಮಮ ಚ ಪ್ರವಣಂ ಮನಃ//೨೫೪//

ಏವಮಾಸ್ತೇ ಮಹಾಭಾಗಾ ಸೀತಾ ಶೋಕಪರಾಯಣಾ/

ಯದತ್ರ ಪ್ರತಿಕರ್ತವ್ಯಂ ತತ್ಸರ್ವಮುಪಪದ್ಯತಾಂ//೨೫೫//

ತಸ್ಯ ತದ್ವಚನಂ ಶ್ರುತ್ವಾ ವಾಲಿಸೂನುರಭಾಷತ/

ಅಯುಕ್ತಂ ತು ವಿನಾ ದೇವೀಂ ದೃಷ್ಟವದ್ಭಿಶ್ಚ ವಾನರಾಃ//

ಸಮೀಪಂಗಂತುಮಸ್ಮಾಭಿ ರಾಘವಸ್ಯ ಮಹಾತ್ಮನಃ//೨೫೬//

ತಮೇವಂ ಕೃತಸಂಕಲ್ಪಂ ಜಾಂಬವಾನ್ ಹರಿಸತ್ತಮಃ/

ಉವಾಚ ಪರಮಪ್ರೀತೋ ವಾಕ್ಯಮರ್ಧವದರ್ಧವಿತ್//೨೫೭//

ನ ತಾವದೇಷಾ ಮತಿರಕ್ಷಮಾನೋ

ಯಧಾ ಭವಾನ್ ಪಶ್ಯತಿ ರಾಜಪುತ್ರ/

ಯಧಾತು ರಾಮಸ್ಯ ಮತಿರ್ನಿವಿಷ್ಟಾ

ತಧಾಭವಾನ್ ಪಶ್ಯತು ಕಾರ್ಯಸಿದ್ಧಿಂ//೨೫೮//

ತಸ್ಮಾದ್ಗಚ್ಚಾಮ ವೈ ಸರ್ವೇ ಯತ್ರ ರಾಮಃ ಸ ಲಕ್ಷ್ಮಣ:/

ಸುಗ್ರೀವಶ್ಚ ಮಹಾತೇಜಾ: ಕಾರ್ಯಾಸ್ಯಾಸ್ಯ ನಿವೇದನೇ//೨೫೯//

ತತೋ ಜಾಂಬವತೋ ವಾಕ್ಯಂ ಅಗೃಹ್ಣ೦ತ ವನೌಕಸಃ/

ಅಂಗದಪ್ರಮುಖಾ ವೀರಾ ಹನುಮಾಂಶ್ಚ ಮಹಾಕಪಿ://೨೬೦//

ಪ್ರೀತಿಮಂತಸ್ತತಸರ್ವೇ ವಾಯುಪುತ್ರಪುರಸ್ಸರಾಃ/

ಮಹೇಂದ್ರಾದ್ರಿಂ ಪರಿತ್ಯಜ್ಯ ಪುಪ್ಲುವು: ಪ್ಲವಗರ್ಷಭಾಃ//೨೬೧//

ಪ್ಲವಮಾನಾಃ ಖಮಾಪ್ಲುತ್ಯ ತತಸ್ತೇ ಕಾನನೌಕಸಃ/

ನಂದನೋಪಮಮಾಸೇದು: ವನಂ ದ್ರುಮಾಲತಾಯುತಂ//೨೬೨//

ತತೋ ವನಂ ತತ್ಪರಿಭಕ್ಷ್ಯಮಾಣಂ

ದ್ರುಮಾಂಶ್ಚ ವಿಧ್ವಂಸಿತಪತ್ರಪುಷ್ಪಾನ್/

ಚಕಾರಭೂಯೋ ಮತಿಮುಗ್ರತೇಜಾ

ವನಸ್ಯ ರಕ್ಷಾಂ ಪ್ರತಿ ವಾನರೇಭ್ಯಃ//೨೬೩//

ಸ ತೈ: ಪ್ರವೃದ್ಧೈ: ಪರಿಭರ್ತ್ಸಮಾನೋ

ವನಸ್ಯ ಗೋಪ್ತಾ ಹರಿವೀರ ವೃದ್ಧಃ/

ಚಕಾರಭೂಯೋ ಮತಿ ಮುಗ್ರತೇಜಾ

ವನಸ್ಯ ರಕ್ಷಾಂ ಪ್ರತಿ ವಾನರೇಭ್ಯಃ//೨೬೪//

ನಿಮೇಷಾ೦ತರಮಾತ್ರೇಣ ಸ ಹಿ ಪ್ರಾಪ್ತೋ ವನಾಲಯಃ/

ಸಹಸ್ರಾಂಶುತೋ ಧೀಮಾನ್ ಸುಗ್ರೀವೋ ಯತ್ರ ವಾನರಃ//೨೬೫//

ಸ ದೀನವದನೋಭೂತ್ವಾ ಕೃತ್ವಾ ಶಿರಸಿ ಚಾಂಜಲಿಮ್/

ಸುಗ್ರೀವಸ್ಯ ಶುಭೌ ಮೂರ್ಧ್ನಾ ಚರಣೌ ಪ್ರತ್ಯಪೀಡಯತ್//೨೬೬//

ತತೋ ಮೂರ್ಧ್ನಾ ನಿಪತಿತಂ ವಾನರಂ ವಾನರರ್ಷಭಃ/

ದೃಷ್ಟ್ವೈವೋದ್ವಿಗ್ನಹೃದಯೋ ವಾಕ್ಯಮೇತ ದುವಾಚ ಹ//೨೬೭//

ಉತ್ತಿಷ್ಟೋತ್ತಿಷ್ಟ ಕಸ್ಮಾತ್ ತ್ವಂ ಪಾದಯೋ: ಪತಿತಂ ಮಮ/

ಅಭಯಂ ತೇ ಪ್ರದಾಸ್ಯಾಮಿ ಸರ್ವಮೇವಾಭಿಧೀಯತಾಂ//೨೬೮//

ನೈವರ್ ಕ್ಷರಜಸಾ ರಾಜನ್ ನ ತ್ವಯಾ ನಾಪಿವಾಲಿನಾ/

ವನಂ ನಿಸೃಷ್ಟಪೂರ್ವಂ ಹಿ ಭಕ್ಷಿತಂ ತಚ್ಚ ವಾನರೈ://೨೬೯//

ವಿಚಿತ್ಯ ದಕ್ಷಿಣಾಮಾಶಾಮ್ ಆಗತೈರ್ಹರಿಪುಂಗವೈ:/

ಆಗತೈಶ್ಚಾ ಪ್ರಧೃಷ್ಯಂ ತತ್ ಹತಂ ಮಧುವನಂ ಕಿಲ//೨೭೦//

ವನಪಾಲಂ ಪುನರ್ವಾಕ್ಯಂ ಸುಗ್ರೀವಃ ಪ್ರತ್ಯಭಾಷತ/

ಪ್ರೀತೋಸ್ಮಿ ಸೋಹಂ ಯದ್ಭುಕ್ತಂವನಂತೈ:ಕೃತಕರ್ಮಭಿ://೨೭೧//

ಮರ್ಷಿತಂ ಮರ್ಷಣಿಯಂಚ ಚೇಷ್ಟಿತಂಕೃತಕರ್ಮಣಾಂ/

ಗಚ್ಛ ಶೀಘ್ರಂ ಮಧುವನಂ ಸಂರಕ್ಷಸ್ವ ತ್ವಮೇವಹಿ//

ಶೀಘ್ರಂ ಪ್ರೇಷಯ ಸರ್ವಾಂಸ್ತಾನ್ ಹನೂಮತ್ಪ್ರಮುಖಾನ್ ಕಪೀನ್//೨೭೨//

ಸ ಯಧೈವಾಗತಃ ಪೂರ್ವಂ ತಧೈವ ತ್ವರಿತಂ ಗತಃ/

ನಿಪಪತ್ಯ ಗಗನಾದ್ಭೂಮೌ ತದ್ವನಂ ಪ್ರವಿವೇಶ ಹ//೨೭೩//

ಸ ತಾನುಪಾಗಮದ್ವೀರೋ ಬಧ್ವಾ ಕರಪುಟಾ೦ಜಲಿಂ/

ಉವಾಚ ವಚನಂ ಶ್ಲಕ್ಷಮ್ ಇದಂ ಹೃಷ್ಟವದಂಗದಂ//೨೭೪//

ಪ್ರಹೃಷ್ಟೋ ನ ತು ರುಷ್ಟೋ ಸೌ ವನಂ ಶೃತ್ವಾ ಪ್ರಧರ್ಶಿತಂ/

ಪ್ರಹೃಷ್ಟೋ ಮಾಂ ಪಿತೃವ್ಯಸ್ತೇ ಸುಗ್ರೀವೋ ವಾನರೇಶ್ವರ://೨೭೫//

ಶೀಘ್ರಂ ಪ್ರೇಷಯ ಸರ್ವಾಂಸ್ತಾನ್ ಇತಿಹೋವಾಚ ವಾನರೇಶ್ವರ://೨೭೬//

ತೇ ಅಂಗದ ಪ್ರಮುಖಾಃ ವೀರಾಃ ಪ್ರಹೃಷ್ಟಾಶ್ಚ ಮುದಾನ್ವಿತಾಃ/

ನಿಪೇತುರ್ಹರಿರಾಜಸ್ಯ ಸಮೀಪೇ ರಾಘವಸ್ಯ ಚ//೨೭೭//

ಹನುಮಾಂಶ್ಚ ಮಹಾಬಾಹು: ಪ್ರಣಮ್ಯ ಶಿರಸಾ ತತಃ/

ನಿಯತಾಮಕ್ಷತಾಂ ದೇವೀಂ ರಾಘವಾಯ ನ್ಯವೇದಯತ್//೨೭೮//

ಉವಾಚ ವಾಕ್ಯಂ ವಾಕ್ಯಜ್ಞಃ ಸೀತಾಯಾ ದರ್ಶನಂ ಯಧಾ/

ರಾವಣಾ೦ತಃಪುರೇ ರುದ್ಧಾ ರಾಕ್ಷಸೀಭಿಸ್ಸುರಕ್ಷಿತಾ//

ಏಕವೇಣೀಧರಾ ದೀನಾ ತ್ವಯಿ ಚಿಂತಾಪರಾಯಣಾ//೨೭೯//

ತೌ ಜಾತಾಶ್ವಾಸೌ ರಾಜಪುತ್ರೌ ವಿದಿತ್ವಾ

ತಚ್ಚ್ಚಾಭಿಜ್ಞಾನ೦ ರಾಘವಾಯ ಪ್ರದಾಯ/

ದೇವ್ಯಾ ಚಾಖ್ಯಾತಂ ಸರ್ವ ಮೇವಾನುಪೂರ್ವ್ಯಾತ್

ವಾಚಾ ಸಂಪೂರ್ಣಂ ವಾಯುಪುತ್ರ ಶ್ಶಶಂಸ//೨೮೦//

ಏವಮುಕ್ತೋ ಹನುಮತಾ ರಾಮೋ ದಶರಥಾತ್ಮಜಃ/

ತಂ ಮಣಿಂ ಹೃದಯೇ ಕೃತ್ವಾ ಪ್ರರುರೋದ ಸ ಲಕ್ಷ್ಮಣ://೨೮೧//

ಕಿಮಾಹಾ ಸೀತಾ ಹನುಮಾನ್ ತತ್ತ್ವತಃ ಕಧಯಾದ್ಯ ಮೇ/

ಏತೇನ ಖಲು ಜೀವಿಷ್ಯೇ ಭೇಷಜೇನಾತುರೋ ಯಧಾ//೨೮೨//

ಏವಮುಕ್ತಸ್ತು ಹನುಮಾನ್ ರಾಘವೇಣ ಮಹಾತ್ಮನಾ/

ಸೀತಾಯಾ ಭಾಷಿತಂ ಸರ್ವಂ ನ್ಯವೇದಯತ ರಾಘವೇ//೨೮೩//

ಇದಮುಕ್ತವತೀ ದೇವೀ ಜಾನಕೀ ಪುರುಷರ್ಷಭಾ/

ಪೂರ್ವ ವೃತ್ತಮಭಿಜ್ಞಾನಂ ಚಿತ್ರಕೊಟೇ ಯಥಾತಥಂ//೨೮೪//

ತಸ್ಯ ವೀರ್ಯವ್ರತಃ ಕಶ್ಚಿತ್ ಯದ್ಯಸ್ತಿ ಮಯಿ ಸಂಭ್ರಮಃ/

ಕ್ಷಿಪ್ರಂ ಸುನಿಶಿತೈರ್ಬಾಣೈ: ಹನ್ಯತಾಂ ಯುಧಿ ರಾವಣಃ//೨೮೫//

ವೈದೇಹ್ಯಾ ವಚನಂ ಶ್ರುತ್ವಾ ಕರುಣಂ ಸಾಶ್ರುಭಾಷಿತಂ/

ಪುನರಪ್ಯಹಮಾರ್ಯಾಂ ತಾಂ ಇದಂ ವಚನಮಬ್ರವೀತ್//೨೮೬//

ಹತ್ವಾಚ ಸಮರೇ ರೌದ್ರಂ ರಾವಣಂ ಸಹಬಾಂಧವಾನ್/

ರಾಘವಸ್ತ್ವಾಂ ವರಾರೋಹೇ ಸ್ವಾಂ ಪುರೀಂ ನಯತೇ ಧ್ರುವಂ//೨೮೭//

ನಿವೃತ್ತ ವನವಾಸಂ ಚ ತ್ವಯಾ ಸಾರ್ಧಮರಿಂದಮಂ/

ಅಭಿಷಿಕ್ತಮಯೋಧ್ಯಾಯಾಂ ಕ್ಷಿಪ್ರಂ ದ್ರಕ್ಷ್ಯಸಿ ರಾಘವಂ//೨೮೮//

ತತೋ ಮಯಾ ವಾಗ್ಭಿರದೀನ ಭಾಷಿಣಾ

ಶಿವಾಭಿರಿಷ್ಟಾಭಿರಭಿಪ್ರಸಾದಿತಾ/

ಜಗಾಮ ಶಾಂತಿಂ ಮಮ ಮೈಥಿಲಾತ್ಮಜಾ

ತವಾತಿಶೋಕೇನ ತಥಾತಿ ಪೀಡಿತಾ//೨೮೯//

ಇತ್ಯಾರ್ಷೇ ಶ್ರೀಮದ್ರಾಮಯಣೇ ವಾಲ್ಮೀಕೀಯೇ ಆದಿಕಾವ್ಯೇ

ಸುಂದರಕಾಂಡಂ ಸಮಾಪ್ತಂ

ಸಂಕ್ಷಿಪ್ತ ಸುಂದರಕಾಂಡ

ರಾಮಾಯಣ ಪಾರಾಯಣ ಸಮಾಪನ ಶ್ಲೋಕಗಳು

ಸ್ವಸ್ತಿ ಪ್ರಜಾಭ್ಯಾಂ ಪರಿಪಾಲಯಂತಾಂ ನ್ಯಾಯೇಣಮಾರ್ಗೇಣ ಮಹೀಂ ಮಹೀಶಾಃ

ಗೋಬ್ರಾಹ್ಮಣೇಭ್ಯಃ ಶುಭಮಸ್ತು ನಿತ್ಯಂಲೋಕಾಸಮಸ್ತಾಃ ಸುಖಿನೋ ಭವಂತು

ಕಾಲೇ ವರ್ಷತು ಪರ್ಜನ್ಯಃ ಪೃಧಿವೀ ಸಸ್ಯಶಾಲಿನೀ

ದೇಶೋಯಂ ಶೋಭರಹಿತಃ ಬ್ರಾಹ್ಮಣಾ: ಸಂತು ನಿರ್ಭಯಾಃ

ಸರ್ವೇಷಾಂ ಸ್ವಸ್ತಿರ್ಭವತು ಸರ್ವೇಷಾಂ ಶಾಂತಿರ್ಭವತು

ಸರ್ವೇಷಾಂ ಪೂರ್ಣಂ ಭವತು ಸರ್ವೇಷಾಂ ಮಂಗಳಂ ಭವತು

ಸರ್ವೇ ಭವಂತು ಸುಖಿನಃ ಸರ್ವೇಸಂತು ನಿರಾಮಯಾಃ

ಸರ್ವೇ ಭದ್ರಾಣಿ ಪಶ್ಯಂತು ಮಾಕಶ್ಚಿತ್ ದುಃಖಭಾಧವೇತ್

ಮಂಗಳಂ ಕೋಸಲೇಂದ್ರಾಯ ಮಹನೀಯ ಗುಣಾಬ್ಧಯೇ

ಚಕ್ರವರ್ತಿ ತನೂಜಾಯ ಸಾರ್ವಭೌಮಾಯ ಮಂಗಳಂ

ಕಾಯೇನವಾಚಾ ಮನಸೇಂದ್ರಿಯೈರ್ವಾ ಬುಧ್ಯಾತ್ಮನಾವಾ ಪ್ರಕೃತೇ: ಸ್ವಭಾವಾತ್

ಕರೋಮಿ ಯದ್ಯತ್ ಸಕಲಂ ಪರಸ್ಮೈ ನಾರಾಯಣಾಯೇತಿ ಸಮರ್ಪಯಾಮಿ

ಯದಕ್ಷರ ಪದಭ್ರಷ್ಟಂ ಮಾತ್ರಾಹೀನಂಚ ಯದ್ಭವೇತ್

ತತ್ಸರ್ವಂ ಕ್ಷಮ್ಯತಾಂ ದೇವ ಶ್ರೀರಾಮೋ ನಮೋಸ್ತುತೇ

ಓಂ ಶಾಂತಿ: ಶಾಂತಿ: ಶಾಂತಿ://