ಸಂಕ್ಷಿಪ್ತ ಸುಂದರಕಾಂಡ

ಸಂಕ್ಷಿಪ್ತ ಸುಂದರಕಾಂಡ

ಮುಂದುವರಿದಿದೆ...

ಯಥಾ ರೂಪಂ ಯಥಾ ವರ್ಣಾಂ ಯಥಾ ಲಕ್ಷ್ಮೀಂ ಚ ನಿಶ್ಚಿತಾಮ್/

ಅಶ್ರೌಷಂ ರಾಘವಸ್ಯಾಹಂ ಸೇಯಮಾಸಾದಿತಾ ಮಯಾ//೧೨೧//

ಜಾನಕೀ ಚಾಪಿ ತತ್ ಶ್ರುತ್ವಾ ಪರಮ್ ವಿಸ್ಮಯಮಾಗತಾ/

ತತಶ್ಶಾಖಾಂತರೇ ಲೀನಂ ದೃಷ್ಟ್ವಾ ಚಲಿತ ಮಾನಸಾ//

ವೇಷ್ಟಿತಾರ್ಜುನವಸ್ತ್ರಂತಂ ವಿದ್ಯುತ್ ಸಂಘಾತ ಪಿಂಗಳ೦//೧೨೨//

ನಮೋಸ್ತು ವಾಚಸ್ಪತಯೇ ಸವಜ್ರಿಣೇ

ಸ್ವಯಂಭುವೇ ಚೈವ ಹುತಾಶನಾಯಚ/

ಅನೇನ ಚೋಕ್ತಂ ಯದಿದಂ ಮಮಾಗ್ರತೋ

ವನೌಕಸಾ ತಚ್ಚ ತಥಾಸ್ತು ನಾನ್ಯಥಾ//೧೨೩//

ಸೋವ ತೀರ್ಯ ದ್ರುಮಾತ್ ತಸ್ಮಾತ್ ವಿದ್ರುಮ ಪ್ರತಿಮಾನನಃ/

ವಿನೀತ ವೇಷಃ ಕೃಪಣ: ಪ್ರಣಿಪತ್ಯೋಪಸೃತ್ಯ ಚ//೧೨೪//

ತಾಮಬ್ರವೀನ್ ಮಹಾತೇಜಾ ಹನುಮಾನ್ ಮಾರುತಾತ್ಮಜಃ/

ಶಿರಸ್ಯಂಜಲಿಮಾಧಾಯ ಸೀತಾಮ್ ಮಧುರಯಾಗಿರಾ//೧೨೫//

ಕಾ ತ್ವಂ ಭವಸಿ ರುದ್ರಾಣಾ೦ ಮರುತಾಂ ವಾ ವರಾನನೇ/

ವಸೂನಾಂ ವಾ ವರಾರೋಹೇ ದೇವತಾ ಪ್ರತಿಭಾಸಿ ಮೇ//೧೨೬//

ಸೀತಾ ತ್ವಮಸಿ ಭದ್ರಂ ತೇ ತನ್ಮ ಮಾಚಕ್ಷ್ಯ ಪೃಚ್ಚತಃ/

ಯಥಾ ಹಿ ತವ ದೈನ್ಯಂ ರೂಪಂ ಚಾಪ್ಯತಿ ಮಾನುಷಂ//

ತಪಸಾ ಚಾನ್ವಿತೋ ವೇಷಃ ತ್ವಂ ರಾಮಮಹಿಷೀ ಧ್ರುವಂ//೧೨೭//

ಸಾ ತಸ್ಯ ವಚನಂ ಶ್ರುತ್ವಾ ರಾಮಕೀರ್ತನ ಹರ್ಷಿತಾ/

ಉವಾಚ ವಾಕ್ಯಂ ವೈದೇಹೀ ಹನೂಮಂತಂ ದ್ರುಮಾಶ್ರಿತಂ//೧೨೮//

ದುಹಿತಾ ಜನಕಸ್ಯಾಹಂ ವೈದೇಹಸ್ಯ ಮಹಾತ್ಮನಃ/

ಸೀತೇತಿ ನಾಮ ನಾಮ್ನಾಹಂ ಭಾರ್ಯಾ ರಾಮಸ್ಯ ಧೀಮತಃ//೧೨೯//

ವಸತೋ ದಂಡಕಾರಣ್ಯೇ ತಸ್ಯಾಹಮಮಿತೌಜಸಃ/

ರಕ್ಷಸಾ ಪಹೃತಾ ಭಾರ್ಯಾ ರಾವಣೇನ ದುರಾತ್ಮನಾ//೧೩೦//

ದ್ವೌ ಮಾಸೌ ತೇನ ಮೇ ಕಾಲೇ ಜೀವಿತಾನುಗ್ರಹಃ ಕೃತಃ/

ಊರ್ಧ್ವಂ ದ್ವಾಭ್ಯಾಂ ತು ಮಾಸಾಭ್ಯಾಂ ತತಸ್ತ್ಯಕ್ಷ್ಯಾಮಿ ಜೀವಿತಂ//೧೩೧//

ತಸ್ಯಾಸ್ತದ್ವಚನಂ ಶ್ರುತ್ವಾ ಹನುಮಾನ್ ಹರಿಯೂಥಪಃ/

ದುಃಖಾದ್ದು:ಖಾಭಿಭೂತಾಯಾಃ ಸಾಂತ್ವಮುತ್ತರಮಬ್ರವೀತ್//೧೩೨//

ಅಹಂ ರಾಮಸ್ಯ ಸಂದೇಶಾತ್ ದೇವೀ ದೂತಸ್ತವಾಗತಃ/

ವೈದೇಹೀ ಕುಶಲೀ ರಾಮಃ ತ್ವಾಂ ಚ ಕೌಶಲಮಬ್ರವೀತ್//೧೩೩//

ತಯಾ ಸಮಾಗತೇ ತಸ್ಮಿನ್ ಪ್ರೀತಿರುತ್ಪಾದಿತಾದ್ಭುತಾ/

ಪರಸ್ಪರೇಣ ಚಾಲಾಪಂ ವಿಶ್ವಸ್ತೌ ತೌ ಪ್ರಚಕ್ರತು://೧೩೪//

ಪೃಚ್ಚಾಮಿ ತ್ವಾಂ ಹರಿಶ್ರೇಷ್ಟಾ ಪ್ರಿಯಾ ರಾಮಕಥಾ ಹಿ ಮೇ/

ಗುಣಾನ್ ರಾಮಸ್ಯ ಕಥಯ ಪ್ರಿಯಸ್ಯ ಮಮ ವಾನರ//೧೩೫//

ಶ್ರೋತ್ರಾನುಕೂಲೈ ರ್ವಚನೈ: ತದಾ ತಾಂ ಸಂಪ್ರಹರ್ಷಯತ್//೧೩೬//

ಆದಿತ್ಯ ಇವ ತೇಜಸ್ವೀ ಲೋಕಕಾಂತಶ್ಶಶೀ ಯಥಾ/

ರಾಜಾ ಸರ್ವಸ್ಯ ಲೋಕಸ್ಯ ದೇವೋ ವೈಶ್ರವಣೋ ಯಥಾ//೧೩೭//

ವಿಕ್ರಮೇಣೋಪಪನ್ನಶ್ಚ ಯಥಾ ವಿಷ್ಣುರ್ಮಹಾಯಶಾ:/

ಸತ್ಯವಾದೀ ಮಧುರವಾಕ್ ದೇವೋ ವಾಚಸ್ಪತಿರ್ಯಥಾ//೧೩೮//

ರೂಪವಾನ್ ಸುಭಗಶ್ಶ್ರೀಮಾನ್ ಕಂದರ್ಪ ಇವ ಮೂರ್ತಿಮಾನ್/

ಸ್ಥಾನಕ್ರೋಧಃ ಪ್ರಹರ್ತಾ ಚ ಶ್ರೇಷ್ಟೋ ಲೋಕೇ ಮಹಾರಥಃ//

ಬಾಹುಚ್ಚಾಯಾಮವಷ್ಟಬ್ದ್ಹೋ ಯಸ್ಯ ಲೋಕೋ ಮಹಾತ್ಮನಃ//೧೩೯//

ತೇನಾಹಂ ಪ್ರೇಷಿತೋ ದೂತಃ ತ್ವತ್ಸಕಾಶಮಿಹಾಗತಃ/

ತದ್ವಿಯೋಗೇನ ದುಃಖಾರ್ತಃ ಸ ತ್ವಾಂ ಕೌಶಲಮಬ್ರವೀತ್//೧೪೦//

ತಾಂ ತು ರಾಮಕಥಾಂ ಶ್ರುತ್ವಾ ವೈದೇಹೀ ವಾನರರ್ಷಭಾತ್/

ಉವಾಚ ವಚನಂ ಸಾಂತ್ವಂ ಇದಂ ಮಧುರಯಾಗಿರಾ//೧೪೧//

ಕ್ವ ತೇ ರಾಮೇಣ ಸಂಸರ್ಗಃ ಕಥಂ ಜಾನಾಸಿ ಲಕ್ಷ್ಮಣಂ/

ವಾನರಾಣಾ೦ ನರಾಣಾ೦ ಚ ಕಥಮಾಸೀತ್ ಸಮಾಗಮಃ//೧೪೨//

ಯಾನಿ ರಾಮಸ್ಯ ಲಿಂಗಾನಿ ಲಕ್ಷ್ಮಣಸ್ಯ ಚ ವಾನರ/

ತಾನಿ ಭೂಯಸ್ಸಮಾಚಕ್ಷ್ಯ ನ ಮಾಂ ಶೋಕಸ್ಸಮಾ ವಿಶೇತ್//೧೪೩//

ಏವಮುಕ್ತಸ್ತು ವೈದೇಹ್ಯಾ ಹನುಮಾನ್ ಮಾರುತಾತ್ಮಜಃ/

ತತೋ ರಾಮಂ ಯಥಾ ತತ್ವಂ ಆಖ್ಯಾತು ಮುಪಚಕ್ರಮೇ//೧೪೪//

ರಾಮಃ ಕಮಲಪತ್ರಾಕ್ಷ: ಸರ್ವ ಸತ್ವ ಮನೋಹರಃ/

ರೂಪದಾಕ್ಷಿಣ್ಯ ಸಂಪನ್ನಃ ಪ್ರಸೂತೇ ಜನಕಾತ್ಮಜೇ//೧೪೫//

ತೇಜಸಾದಿತ್ಯ ಸಂಕಾಶಃ ಕ್ಷಮಯಾ ಪೃಥಿವೀ ಸಮಃ/

ಬೃಹಸ್ಪತಿಸಮೋ ಬುದ್ಧ್ಯಾ ಯಶಸಾ ವಾಸವೋಪಮಃ//೧೪೬//

ರಕ್ಷಿತಾ ಜೀವಲೋಕಸ್ಯ ಸ್ವಜನಸ್ಯಾಭಿರಕ್ಷಿತಾ/

ರಕ್ಷಿತಾ ಸ್ವಸ್ಯ ವೃತ್ತಸ್ಯ ಧರ್ಮಸ್ಯ ಚ ಪರಂತಪ//೧೪೭//

ರಾಮೋಭಾಮಿನಿ ಲೋಕಸ್ಯ ಚಾತುರ್ವರ್ಣಸ್ಯ ರಕ್ಷಿತಾ/

ಮರ್ಯಾದಾನಂಚ ಲೋಕಸ್ಯ ಕರ್ತಾ ಕಾರಯಿತಾ ಚ ಸಃ//೧೪೮//

ಅರ್ಚಿಷ್ಮಾ ನರ್ಚಿತೋತ್ಯರ್ಧಂ ಬ್ರಹ್ಮಚರ್ಯ ವ್ರತೇ ಸ್ಥಿತಃ/

ಸಾಧೂನಾಂ ಮುಪಕಾರಜ್ಞಃ ಪ್ರಚಾರಜ್ಞಶ್ಚ ಕರ್ಮಣಾಂ//೧೪೯//

ರಾಜವಿದ್ಯಾ ವಿನೀತಶ್ಚ ಬ್ರಾಹ್ಮಣಾನಾಮುಪಾಸಿತಾ/

ಶ್ರುತವಾನ್ ಶೀಲಸಂಪನ್ನೋ ವಿನೀತಶ್ಚ ಪರಂತಪಃ//೧೫೦//

ಯಜುರ್ವೇದ ವಿನೀತಶ್ಚ ವೇದವಿದ್ಭಿಸ್ಸುಪೂಜಿತಃ/

ಧನುರ್ವೇದೇಚ ವೇದೇಷು ವೇದಾಂಗೇಷು ಚ ನಿಷ್ಠಿತಃ//೧೫೧//

ಸತ್ಯಧರ್ಮಪರಶ್ಶ್ರೀಮಾನ್ ಸಂಗ್ರಹಾನುಗ್ರಹೇ ರತಃ/

ದೇಶಕಾಲ ವಿಭಾಗಜ್ಞಃ ಸರ್ವಲೋಕ ಪ್ರಿಯಂ ವದಃ//೧೫೨//

ಭ್ರಾತಾ ಚ ತಸ್ಯ ದ್ವೈಮಾತ್ರಃ ಸೌಮಿತ್ರಿ ರಪರಾಜಿತಃ/

ಅನುರಾಗೇಣ ರೂಪೇಣ ಗುಣೈಶ್ಚೈವ ತಥಾವಿಥಃ//೧೫೩//

ವಿಚಿನ್ವಂತೌ ಮಹೀಂ ಕ್ರುತ್ಶ್ನಾಂ ಅಸ್ಮಾಭಿ ರಭಿ ಸಂಗತೌ/

ತ್ವಾಮೇವ ಮಾರ್ಗಮಾಣೌ ತೌ ವಿಚರಂತೌ ವಸುಂಧರಾಂ//೧೫೪//

ರಾಮಸುಗ್ರೀವಯೋರೈಕ್ಯಂ ದೇವ್ಯೇವಂ ಸಮಜಾಯತ/

ಹನೂಮಂತಂ ಚ ಮಾಂ ವಿದ್ಧಿ ತಯೋರ್ದೂತ ಮಿಹಾಗತಂ//೧೫೫//

ವಿಶ್ವಾಸಾರ್ಧಂ ತು ವೈದೇಹೀ ಭರ್ತುರುಕ್ತಾ ಮಯಾ ಗುಣಾಃ/

ಅಚಿರಾದ್ರಾಘವೋ ದೇವೀ ತ್ವಾಮಿತೋ ನಯಿತಾನಘೇ//೧೫೬//

ಏವಂ ವಿಶ್ವಾಸಿತಾ ಸೀತಾ ಹೇತುಭಿಶ್ಶೋಕಕರ್ಶಿತಾ/

ಉಪಪನ್ನೈ ರಭಿಜ್ಞಾನೈ: ದೂತಂ ತಮವ ಗಚ್ಚತಿ//೧೫೭//

ಅತುಲಂ ಚ ಗತಾ ಹರ್ಷಂ ಪ್ರಹರ್ಷೇಣ ಚ ಜಾನಕೀ/

ನೇತ್ರಾಭ್ಯಾಂ ವಕ್ರಪಕ್ಷ್ಮಾಭ್ಯಾಂ ಮುಮೋಚಾನಂದಜಂ ಜಲಂ//೧೫೮//

ವಾನರೋಹಂ ಮಹಾಭಾಗೇ ದೂತೋ ರಾಮಸ್ಯ ಧೀಮತಃ/

ರಾಮಾನಾಂಕಿತಮ್ ಚೇದಂ ಪಶ್ಯ ದೇವ್ಯಂಗುಳೀಯಕಂ//೧೫೯//

ಇತ್ಯುಕ್ತ್ವಾ ಪ್ರದದೌ ತಸ್ಯೇ ಸೀತಾಯೈ ವಾನರೋತ್ತಮಃ/

ಗೃಹೀತ್ವಾ ಪ್ರೇಕ್ಷ್ಯಮಾಣಾ ಸಾ ಭರ್ತು: ಕರವಿಭೂಷಣಂ//

ಭರ್ತಾರಮಿವ ಸಂಪ್ರಾಪ್ತಾ ಜಾನಕೀ ಮುದಿತಾ ಭವೇತ್//೧೬೦//

ತತಸ್ಸಾ ಹ್ರಿಮತೀ ಬಾಲಾ ಭರ್ತೃ ಸಂದೇಶ ಹರ್ಷಿತಾ/

ಪರಿತುಷ್ಟಾ ಪ್ರಿಯಂ ಕೃತ್ವಾ ಪ್ರಶಶಂಸ ಮಹಾಕಪಿಂ//೧೬೧//

ವಿಕ್ರಾಂತಸ್ತ್ವಂ ಸಮರ್ಧಸ್ತ್ವಂ ಪ್ರಾಜ್ಞಸ್ತ್ವಂ ವಾನರೋತ್ತಮ/

ಯೇನೇದಂ ರಾಕ್ಷಸಪದಂ ತ್ವಯೇಕೈನ ಪ್ರಧರ್ಷಿತ೦//೧೬೨//

ದಿಷ್ಟ್ಯಾಚ ಕುಶಲೀ ರಾಮೋ ಧರ್ಮಾತ್ಮಾ ಸತ್ಯಸಂಗರಃ/

ಲಕ್ಷ್ಮಣಶ್ಚ ಮಹಾತೇಜಾ: ಸುಮಿತ್ರಾನಂದವರ್ಧನಃ//೧೬೩//

ಕುಶಲೀ ಯದಿ ಕಾಕುತ್ ಸ್ಥಃ ಕಿಂ ನು ಸಾಗರ ಮೇಖಲಾಂ/

ಮಹೀಮ್ ದಹತಿ ಕೋಪೆನ ಯುಗಾಂತಾಗ್ನಿರಿವೋಥಿತಾಃ//೧೬೪//

ಧರ್ಮಾಪದೇಶಾತ್ ತ್ಯಜತಶ್ಚ ರಾಜ್ಯಂ

ಮಾಂ ಚಾಪ್ಯರಣ್ಯಂ ನಯತಃ ಪದಾತಿಂ/

ನಾಸೀದ್ವ್ಯಧಾ ಯಸ್ಯ ನಭೀರ್ನಶೋಕಃ

ಕಶ್ಚಿತ್ ಸ ಧೈರ್ಯಂ ಹೃದಯೇ ಕರೋತಿ//೧೬೫//

ಸೀತಾಯಾ ವಚನಂ ಶ್ರುತ್ವಾ ಮಾರುತಿರ್ಭೀಮ ವಿಕ್ರಮಃ/

ಶಿರಸ್ಯಂಜಲಿ ಮಾಧಾಯ ವಾಕ್ಯಮುತ್ತರಮಬ್ರವೀತ್//೧೬೬//

ಶ್ರುತ್ವೈವ ತು ವಚೋ ಮಹ್ಯಂ ಕ್ಷಿಪ್ರಮೇಷ್ಯತಿ ರಾಘವಃ/

ಚಮೂಂ ಪ್ರಕರ್ಷನ್ ಮಹತೀಂ ಹರ್ಯಕ್ಷಗಣ ಸಂಕುಲಾಂ//೧೬೭//

ಸ ದೇವೀ ನಿತ್ಯಂ ಪರಿತಪ್ಯಮಾನಃ

ತ್ವಾಮೇವ ಸೀತೇತ್ಯಭಿಭಾಷಮಾಣಃ/

ಧೃತವತೋ ರಾಜಸುತೋ ಮಹಾತ್ಮಾ

ತವೈವ ಲಾಭಾಯ ಕೃತಪ್ರಯತ್ನಃ//೧೬೮//

ಸೀತಾ ತದ್ವಚನಂ ಶ್ರುತ್ವಾ ಪೂರ್ಣಚಂದ್ರ ನಿಭಾನನಾ/

ಹನುಮಂತಮುವಾಚೇದಂ ಧರ್ಮಾರ್ಧಸಹಿತಂ ವಚಃ//೧೬೯//

ಸ ವಾಚ್ಯಸ್ಸಂತ್ವರಸ್ವೇತಿ ಯಾವದೇವ ನ ಪೂರ್ಯತೇ/

ಅಯಂ ಸಂವತ್ಸರಃ ಕಾಲಃ ತಾವದ್ಧಿ ಮಮ ಜೀವಿತಂ//

ವರ್ತತೇ ದಶಮೋ ಮಾಸೋ ದ್ವೌ ತು ಶೇಷಾ ಪ್ಳವಂಗಮ//೧೭೦//

ಸ ಮೇ ಹರಿಶ್ರೇಷ್ಠ ಸ ಲಕ್ಷ್ಮಣಂಪತಿಂ

ಸ ಯೂಥಪಂ ಕ್ಷಿಪ್ರಮಿಹೋಪಪಾಧಯ/

ಚಿರಾಯ ರಾಮಂ ಪ್ರತಿ ಶೋಕಕರ್ಶಿತಾಂ

ಕುರುಷ್ವಮಾಂ ವಾನರಮುಖ್ಯ ಹರ್ಷಿತಾಂ//೧೭೧//

ತತಸ್ಸ ಕಪಿಶಾರ್ದೂಲಃ ತೇನ ವಾಕ್ಯೇನ ಹರ್ಷಿತಃ/

ಸೀತಾಮುವಾಚ ತಚ್ಚ್ರುತ್ವಾ ವಾಕ್ಯಂ ವಾಕ್ಯ ವಿಶಾರದಃ//

ಅಭಿಜ್ಞಾನಂ ಪ್ರಯಚ್ಚ ತ್ವಂ ಜಾನೀಯಾದ್ರಾಘವೋ ಹಿ ಯತ್//೧೭೨//

ಏವಮುಕ್ತಾ ಹನುಮತಾ ಸೀತಾ ಸುರಸುತೋಪಮಾ/

ಉವಾಚ ವಚನಂ ಮಂದಂಭಾಷ್ಪಪ್ರಗ್ರಥಿತಾಕ್ಷರಂ//೧೭೩//

ಇದಂ ಶ್ರೇಷ್ಠಮಭಿಜ್ಞಾನಂ ಬ್ರೂಯಾಃ ತ್ವಂ ತು ಮಮ ಪ್ರಿಯಂ/

ಶೈಲಸ್ಯ ಚಿತ್ರಕೂಟಸ್ಯ ಪಾದೇ ಪೂರ್ವೋತ್ತರೇ ಪುರಾ//೧೭೪//

ತಾಪಸಾಶ್ರಮವಾಸಿನ್ಯಾಃ ಪ್ರಾಜ್ಯಮೂಲಫಲೋದಕೇ/

ತಸ್ಮಿನ್ ಸಿದ್ದಾಶ್ರಮೇ ದೇಶೇ ಮಂದಾಕಿನ್ಯಾ ಹ್ಯದೂರತಃ//೧೭೫//

ತತೋ ಮಾಂಸ ಸಮಾಯುಕ್ತೋ ವಾಯಸಃ ಪರ್ಯತುಂಡಯತ್/

ತಮಹಂ ಲೋಷ್ಟಮುದ್ಯಮ್ಯ ವಾರಯಾಮಿ ಸ್ಮ ವಾಯಸಂ//೧೭೬//

ಭಾಷ್ಪಪೂರ್ಣಮುಖೀ ಮಂದಂ ಚಕ್ಷುಷೀ ಪರಿಮಾರ್ಜತೀ/

ಲಕ್ಷಿತಾಹಂ ತ್ವಯಾನಾಥ ವಾಯಸೇನ ಪ್ರಕೋಪಿತಾ//೧೭೭//

ತತಸ್ಮಿನ್ ಮಹಾಬಾಹು: ಕೋಪಸಂವರ್ತಿತೇಕ್ಷಣಃ/

ವಾಯಸೇ ಕೃತವಾನ್ ಕ್ರೂರಾಂ ಮತಿಂ ಮತಿಮತಾಂ ವರಃ//೧೭೮//

ಸ ದರ್ಭಂ ಸಂಸ್ತರಾದ್ಗೃಹ್ಯ ಬ್ರಾಹ್ಮೇ ಣಾಸ್ತ್ರೇಣ ಯೋಜಯತ್/

ಸ ದೀಪ್ತ ಇವ ಕಾಲಾಗ್ನಿ: ಜಜ್ವಾಲಾಭಿಮುಖೋ ದ್ವಿಜಂ//೧೭೯//

ಮತ್ಕ್ರುತೇ ಕಾಕಮಾತ್ರೇ ತು ಬ್ರಹ್ಮಾಸ್ತ್ರಂ ಸಮುದೀರಿತಮ್/

ಕಸ್ಮಾದ್ಯೋ ಮಾ ಹರತ್ ತ್ವತ್ತಃ ಕ್ಷಮಸೇ ತಂ ಮಹೀಪತೇ//೧೮೦//

ವೈದೇಹ್ಯಾ ವಚನಂ ಶ್ರುತ್ವಾ ಕರುಣಂ ಸಾ ಶ್ರುಭಾಷಿತಂ/

ಅಧಾಬ್ರವೀನ್ ಮಹಾತೇಜಾ ಹನುಮಾನ್ ಮಾರುತಾತ್ಮಜಃ//೧೮೧//

ತ್ವಚ್ಚೋಕವಿಮುಖೋ ರಾಮೋ ದೇವಿ ಸತ್ಯೇನ ಮೇ ಶಪೇ/

ರಾಮೇ ದುಃಖಾಭಿಪನ್ನೇ ಚ ಲಕ್ಷ್ಮಣಃ ಪರಿತಪ್ಯತೇ//೧೮೨//

ಉವಾಚ ಶೋಕ ಸಂತಪ್ತಾ ಹನೂಮಂತಂ ಪ್ಲವಂಗಮಂ/

ಇದಂ ಬ್ರೂಯಾಶ್ಚ ಮೇ ನಾಥಂ ಶೂರಂ ರಾಮಂ ಪುನಃ ಪುನಃ//

ಜೀವಿತಂ ಧಾರಯಿಷ್ಯಾಮಿ ಮಾಸಂ ದಶರಥಾತ್ಮಜಃ//೧೮೩//

ಊರ್ಧ್ವಂ ಮಾಸಾನ್ನಜೀವೇಯಂ ಸತ್ಯೇನಾಹಂ ಬ್ರವೀಮತೇ/

ತ್ರಾ ತು ಮರ್ಹಸಿ ವೀರ ತ್ವಂ ಪಾತಾಳಾದಿವ ಕೌಶಿಕೀಮ್//೧೮೪//

ತತೋ ವಸ್ತ್ರಗತಂ ಮುಕ್ತ್ವಾ ದಿವ್ಯಂ ಚೂಡಾಮಣಿ೦ ಶುಭಂ/

ಪ್ರದೇಯೋ ರಾಘವಾಯೇತಿ ಸೀತಾ ಹನುಮತೇ ಧದೌ//೧೮೫//

ಸೀತಾಯಾ ವಚನಂ ಶ್ರುತ್ವಾ ಹನುಮಾನ್ ಮಾರುತಾತ್ಮಜಃ/

ಶಿರಸ್ಯಂಜಲಿಮಾಧಾಯ ವಾಕ್ಯಮುತ್ತರಮಬ್ರವೀತ್//೧೮೬//

ಸ ಗಣಂ ರಾವಣಂ ಹತ್ವಾ ರಾಘವೋ ರಘುನಂದನಃ/

ತ್ವಾಮಾದಾಯ ವರಾರೋಹೇ ಸ್ವಪುರಂ ಪ್ರತಿ ಯಾಸ್ಯತಿ//೧೮೭//

ಶ್ರುತ್ವಾ ತು ವಚನಂ ತಸ್ಯ ವಾಯುಸೂನೋರ್ಮಹಾತ್ಮನಃ/

ಉವಾಚಾತ್ಮಹಿತಂ ವಾಕ್ಯಂ ಸೀತಾ ಸುರಸುತೋಪಮಾ//೧೮೮//

ತ್ವಾಂ ದೃಷ್ಟ್ವಾ ಪ್ರಿಯವಕ್ತಾರಂ ಸಂಪ್ರಹೃಷ್ಯಾಮಿ ವಾನರ/

ಅರ್ಧ ಸಂಜಾತ ಸಸ್ಯೇವ ವೃಷ್ಟಿಂ ಪ್ರಾಪ್ಯ ವಸುಂಧರಾ//೧೮೯//

ಇಮಂ ಚ ತೀವ್ರಂ ಮಮಶೋಕವೇಗಂ

ರಕ್ಷೋಭಿರೇಭಿ: ಪರಿಭರ್ತೃನಂಚ

ಬ್ರೂಯಾಸ್ತು ರಾಮಸ್ಯ ಗತಸ್ಸಮೀಪಂ

ಶಿವಶ್ಚತೇ ಧ್ವಾಸ್ತು ಹರಿಪ್ರವೀರ//೧೯೦//

ಸ ರಾಜಪುತ್ರ್ಯಾಪ್ರತಿವೇದಿತಾರ್ಧಃ

ಕಪಿ: ಕೃತಾರ್ಧಃ ಪರಿಹೃಷ್ಟಚೇತಾಃ/

ಅಲ್ಪಾವಶೇಷಂ ಪ್ರಸಮೀಕ್ಷ್ಯ ಕಾರ್ಯಂ

ದಿಶಂ ಹ್ಯುದೀಚೀಂ ಮನಸಾ ಜಗಾಮ//೧೯೧//

ಅಲ್ಪಶೇಷ ಮಿದಂ ಕಾರ್ಯಂ ದೃಷ್ಟೇಯಮಸಿತೇಕ್ಷಣಾ/

ತ್ರೀನುಪಾಯಾನತಿಕ್ರಮ್ಯ ಚತುರ್ಧ ಇಹ ದೃಶ್ಯತೇ//೧೯೨//

ಸ ತಸ್ಯ ಕೃತ್ವಾರ್ಧ ಪತೇರ್ಮಹಾಕಪಿ:/

ಮಹದ್ವ್ಯಲೀಕಂ ಮನಸೋ ಮಹಾತ್ಮನಃ//೧೯೩//

ತತಃ ಪಕ್ಷಿನಿನಾದೇನ ವೃಕ್ಷಭಂಗಸ್ವನೇನ ಚ/

ಬಭೂವುಸ್ತ್ರಾಸ ಸಂಭ್ರಾಂತಾಃ ಸರ್ವೇ ಲಂಕಾ ನಿವಾಸಿನಃ//೧೯೪//

ರಾವಣಸ್ಯ ಸಮೀಪೇ ತು ರಾಕ್ಷಸ್ಯೋ ವಿಕ್ರುತಾನನಾಃ/

ವಿರೂಪಂ ವಾನರಂ ಭೀಮಂ ಅಖ್ಯಾತುಮುಪಚಕ್ರಮೇ//೧೯೫//

ಅಶೋಕವನಿಕಾ ಮಧ್ಯೇ ರಾಜನ್ ಭೀಮವಪು: ಕಪಿ:/

ಸೀತಾಯಾಃಕೃತಸಂವಾದಃ ತಿಷ್ಠತ್ಯಮಿತವಿಕ್ರಮಃ//೧೯೬//

ತೇನ ತ್ವದ್ಭುತರೂಪೇಣ ಯತ್ತತ್ ತವ ಮನೋಹರಂ/

ನಾನಾ ಮೃಗಗಣಾಕೀರ್ಣಂ ಪ್ರಮೃಷ್ಟಂ ಪ್ರಮದಾವನಂ//

ತಸ್ಯೋಗ್ರರೂಪಸ್ಯೋಗ್ರ ತ್ವಂ ದಂಡ ಮಾಜ್ಞಾತು ಮರ್ಹಸಿ//೧೯೭//

ಆತ್ಮನಸದೃಶಾನ್ ಶೂರಾನ್ ಕಿಂಕರಾನ್ ನಾಮ ರಾಕ್ಷಸಾನ್/

ವ್ಯಾದಿದೇಶ ಮಹಾತೇಜಾ ನಿಗ್ರಹಾರ್ಧಂ ಹನೂಮತಃ//೧೯೮//

ಹನುಮಾನಪಿ ತೇಜಸ್ವೀ ಶ್ರೀಮಾನ್ ಪರ್ವತಸನ್ನಿಭಃ/

ಕ್ಷಿತಾವಾವಿಧ್ಯ ಲಾಂಗೂಲಂ ನನಾದ ಚ ಮಹಾಸ್ವನಂ//೧೯೯//

ಜಯತ್ಯತಿ ಬಲೋರಾಮೋ ಲಕ್ಷ್ಮಣಸ್ಯ ಮಹಾಬಲಃ/

ರಾಜಾಜಯತಿ ಸುಗ್ರೀವೋ ರಾಘವೇಣಾಧಿಪಾಲಿತಃ//೨೦೦//

ಮುಂದುವರಿಯುವುದು....