ಶ್ರೀ ಕೃಷ್ಣಾಷ್ಟೋತ್ತರ ಶತನಾಮಾವಳಿ

ಶ್ರೀ ಕೃಷ್ಣಃ ಕಮಲಾನಾಥೋ ವಾಸುದೇವಃ ಸನಾತನಃ/

ವಸುದೇವಾತ್ಮಜಃ ಪುಣ್ಯೋ ಲೀಲಾಮಾನುಷವಿಗ್ರಹಃ//೧//

ಶ್ರೀವತ್ಸಕೌಸ್ತುಭಧರೋ ಯಶೋದಾವತ್ಸಲೋ ಹರಿಃ/

ಚತುರ್ಭುಜಾತ್ತಚಕ್ರಾಸಿಗಧಾಶಂಖಾದ್ಯುದಾಯುಧಃ//೨//

ದೇವಕೀನಂದನಃ ಶ್ರೀಶೋ ನಂದಗೋಪಪ್ರಿಯಾತ್ಮಜಃ/

ಯಮುನಾವೇಗಸಂಹಾರೀ ಬಲಭದ್ರಪ್ರಿಯಾನುಜಃ//೩//

ಪೂತನಾಜೀವಿತಹರಃ ಶಕಟಾಸುರಭಂಜನಃ/

ನಂದವ್ರಜಜನಾನಂದಃ ಸಚ್ಚಿದಾನಂದವಿಗ್ರಹಃ//೪//

ನವನೀತವಿಲಿಪ್ತಾಂಗೋ ನವನೀತನಟೋನಘಃ/

ನವನೀತನವಾಹಾರೋ ಮುಚುಕುಂದಪ್ರಸಾದಕಃ(ಕೃತ್)//೫//

ಷೋಡಶಸ್ತ್ರೀಸಹಸ್ರೇಶಸ್ತ್ರಿಭಂಗೀ ಮಧುರಾಕೃತಿ:/

ಶುಕವಾಗಮೃತಾಬ್ಧೀ೦ದುರ್ಗೋವಿಂದೋ ಯೋಗಿನಾಂ ಪತಿ://೬//

ವತ್ಸಪಾದಹರೋನಂತೋ ಧೇನುಕಾಸುರಭಂಜನಃ/

ತೃಣೀಕೃತತೃಣಾವರ್ತೋ ಯಮಳಾರ್ಜುನಭಂಜನಃ//೭//

ಉತ್ತಾಲತಾಲಭೇತ್ತಾ ಚ ತಮಾಲಶ್ಯಾಮಲಾಕೃತಿ:/

ಗೋಪಗೋಪಿಶ್ವರೋ ಯೋಗೀ ಕೋಟಿಸೂರ್ಯಸಮಪ್ರಭಃ//೮//

ಇಳಾಪತಿ: ಪರಂಜ್ಯೋತಿರ್ಯಾದವೇ೦ದ್ರೋ ಯದೂದ್ವಹಃ/

ವನಮಾಲೀ ಪೀತವಾಸಾಃ ಪಾರಿಜಾತಪಹಾರಕಾಃ//೯//

ಗೋವರ್ಧನಾಚಲೋದ್ಧರ್ತಾ ಗೋಪಾಲಃ ಸರ್ವಪಾಲಕಃ/

ಅಜೋ ನಿರಂಜನಃ ಕಾಮಜನಕಃ ಕಂಜಲೋಚನಃ//೧೦//

ಮಧುಹಾ ಮಧುರಾನಾಥೋ ದ್ವಾರಕಾನಾಯಕೋ ಬಲೀ/

ವೃಂದಾವನಾಂತಃಸಂಚಾರೀ ತುಳಸೀದಾಮಭೂಷಣಃ//೧೧//

ಸ್ಯಮಂತಕಮಣೇರ್ಹರ್ತಾ ನರನಾರಾಯಣಾತ್ಮಕಃ/

ಕುಬ್ಜಾಗಂಧಾನುಲಿಪ್ತಾಂಗೋ ಮಾಯೀ ಪರಮಪೂರುಷಃ//೧೨//

ಮುಷ್ಟಿಕಾಸುರಚಾಣೂರಮಲ್ಲಯುದ್ಧ ವಿಶಾರದಃ/

ಸಂಸಾರವೈರಿ ಕಂಸಾರಿರ್ಮುರಾರಿರ್ನರಕಾಂತಕಃ//೧೩//

ಅನಾದಿಬ್ರಹ್ಮಚಾರೀ ಚ ಕೃಷ್ಣಾವ್ಯಸನಕರ್ಷಕಃ/

ಶಿಶುಪಾಲಶಿರಶ್ಚೇತ್ತಾ ದುರ್ಯೋಧನಕುಲಾಂತಕಃ//೧೪//

ವಿದುರಾಕ್ರೂರವದೋ ವಿಶ್ವರೂಪಪ್ರದರ್ಶಕಃ/

ಸತ್ಯವಾಕ್ ಸತ್ಯಸಂಕಲ್ಪಃ ಸತ್ಯಭಾಮಾರತೋ ಜಯೀ//೧೫//

ಸುಭಾದ್ರಾಪೂರ್ವಜೋ ವಿಷ್ಣುರ್ಭೀಷ್ಮಮುಕ್ತಿಪ್ರದಾಯಕಃ/

ಜಗದ್ಗುರುರ್ಜಗನ್ನಾಥೋ ವೇಣುನಾದವಿಶಾರದಃ//೧೬//

ವೃಷಭಾಸುರವಿಧ್ವಂಸೀ ಬಾಣಾಸುರಕರಾಂತಕಃ/

ಯುಧಿಷ್ಠಿರಪ್ರತಿಷ್ಟಾ ಬಹಿರ್ಬಹಾರ್ವಸಂತಕಃ//೧೭//

ಪಾರ್ಥಸಾರಥಿರವ್ಯಕ್ತೋ ಗೀತಾಮೃತಮಹೋಧಧಿ:/

ಕಾಲೀಯಫಣಮಾಣಿಕ್ಯರಂಜಿತಶ್ರೀಪದಾಂಬುಜಃ//೧೮//

ದಾಮೋದರೋ ಯಜ್ಞಭೋಕ್ತಾ ದಾನವೇಂದ್ರವಿನಾಶನಃ/

ನಾರಾಯಣಃ ಪರಂಬ್ರಹ್ಮ ಪನ್ನಗಾಶನವಾಹನಃ//೧೯//

ಜಲಕ್ರೀಡಾಸಮಾಸಕ್ತ ಗೊಪೀವಸ್ತ್ರಪಹಾರಕಃ/

ಪುಣ್ಯಶ್ಲೋಕಸ್ತೀರ್ಥಪಾದೋ ವೇದವೇದ್ಯೋ ದಯಾನಿಧಿ://೨೦//

ಸರ್ವತೀರ್ಥಾತ್ಮಕಃ ಸರ್ವಗ್ರಹರೂಪೀ ಪರಾತ್ಪರಃ/

ಏವಂ ಶ್ರೀಕೃಷ್ಣದೇವಸ್ಯ ನಾಮ್ನಾಮಷ್ಟೋತ್ತರಂ ಶತಮ್//೨೧//

ಕೃಷ್ಣೆನ ಕೃಷ್ಣಭಕ್ತಾನಾಂ ಗೀತಂ ಗೀತಾಮೃತಂ ಪರಮ್/

ಸ್ತೋತ್ರಂ ಕೃಷ್ಣಪ್ರಿಯತಮಂ ಶ್ರುತಂ ತಸ್ಮಾನ್ಮಯಾ ಪರಮ್//೨೨//

ಕೃಷ್ಣನಾಮಾಮೃತಂ ನಾಮ ಪರಮಾನಂದಕಾರಣಂ/

ಈತಿಭಾದಾತಿದುಃಖಘ್ನಂ ಪರಮಾಯುಷ್ಯವರ್ಧನಂ//೨೩//

ದಾನಂ ವ್ರತಂ ತಪಸ್ತೀರ್ಥಂ ಯತ್ಕೃತಂ ತ್ವಿಹ ಜನ್ಮನಿ/

ಜಪತಾಂ ಶೃಣ್ವತಾಮೇತತ್ ಕೋಟಿಕೋಟಿಗುಣಂ ಭವೇತ್//೨೪//

ಪುತ್ರಪ್ರದಮಪುತ್ರಾಣಾಗತೀನಾಂ ಗತಿಪ್ರದಂ/

ಧನಾವಹಂ ದರಿದ್ರಾಣಾಂ ಜಯೇಚ್ಚೂನಾಂ ಜಯಾವಹಂ//೨೫//

ಶಿಶೂನಾಂ ಗೋಕುಲಾನಾಂ ಚ ಪುಷ್ಟಿದಂ ಪೂರ್ಣಪುನ್ಯದಂ/

ಬಾಲರೋಗಗ್ರಹಾದೀನಾಂ ಶಮನಂ ಶಾಂತಿಮುಕ್ತಿದಂ//೨೬//

ಸಮಸ್ತಕಾಮದಂ ಸದ್ಯಃ ಕೋಟಿಜನ್ಮಾಘನಾಶನಂ/

ಅಂತೇ ಕೃಷ್ಣಸ್ಮರಣದಂ ಭಾವತಾಪತ್ರಯಾಪಹಂ//೨೭//

ಕೃಷ್ಣಾಯ ಯಾದವೇ೦ದ್ರಾಯ ಜ್ಞಾನಮುದ್ರಾಯ ಯೋಗಿನೇ/

ನಾಥಾಯ ರುಗ್ಮಿಣೀಶಾಯ ನಮೋ ವೇದಾಂತವೇದಿನೇ//೨೮//

ಇಮಂ ಮಂತ್ರಂ ಜಪನ್ ದೇವಿ(ನಿತ್ಯಂ) ವ್ರಜಂಸ್ತಿಷ್ಟನ್ ದಿವಾ ನಿಶಿ/

ಸರ್ವಗ್ರಹಾನುಗ್ರಹಭಾಕ್ ಸರ್ವಪ್ರಿಯತಮೋ ನರಃ//೨೯//

ಪುತ್ರಪೌತ್ರೈ: ಪರಿವೃತಃ ಸರ್ವಸಿದ್ಧಿಸಮೃದ್ಧಿಮಾನ್/

ನಿರ್ವಿಶ್ಯ ಭೋಗಾನಂತೇಪಿ ಕೃಷ್ಣಸಾಯುಜ್ಯಮಾಪ್ನುಯಾತ್//೩೦//

//ಇತಿ ಶ್ರೀ ಬ್ರಹ್ಮಾಂಡಪುರಾಣೇ ಬ್ರಹ್ಮನಾರದ ಸಂವಾದೇ

ಶ್ರೀ ಕೃಷ್ಣಾಷ್ಟೋತ್ತರಶತನಾಮಸ್ತೋತ್ರಂ//