ರಾಗ : ಷಣ್ಮುಖಪ್ರಿಯ
ತಾಳ : ಆದಿತಾಳ
ಜನುಮ ಜನುಮದಲಿ ಎನಗಿರಲಿ
ಹನುಮ ಭೀಮ ಮಧ್ವ ಮುನಿಗಳ ಸೇವೆಯು || ಪ ||
ಮಾತರಿಶ್ವ ನೀ ಪ್ರೀತನಾಗಿ ಅಜ
ತಾತನು ಸುಲಭದಿ ಒಲಿಯುವನು
ಕೋತಿಯ ರೂಪದಿ ಭೂತಳದಲಿ ಬಲು
ಖ್ಯಾತಿ ಪಡೆದ ರಾಮದೂತರ ಸೇವೆಯು || ೧ ||
ಹರನ ಭಕುತ ಜರಾಸಂಧನ ಕಾಯುವ
ಹರಿದು ಮುರಿದು ಬಲು ಸುಲಭದಲಿ
ಹರಿಗಪರೋಕ್ಷದಿ ಅರ್ಪಣೆ ಮಾಡಿದೆ
ಕುರುಕುಲಪತಿ ಬಲಭೀಮರ ಸೇವೆಯು || ೨ ||
ಶುದ್ಧದ್ವಿಜಕುಲದಲಿ ಉದ್ಭವಿಸುತ
ಅನಿರುದ್ಧಗನುಮತವಾಗಿರುವ
ಸಿದ್ಧಾಂತದ ಪದ್ಧತಿಯನು ತೋರಿದ
ಮಧ್ವಮತದ ತತ್ವದಲಿ ಪ್ರಸನ್ನತೆ || ೩ ||
No comments:
Post a Comment