ಶ್ರೀ ಮಹಾಲಕ್ಷ್ಮಿ ಸ್ತೋತ್ರಂ

ಶ್ರೀ ಕೃಷ್ಣ ದ್ವಾದಶನಾಮ ಸ್ತೋತ್ರಂ

ಶ್ರೀರಾಮ ಕವಚಂ

ಶ್ರೀ ರುದ್ರ ದ್ವಾದಶನಾಮ ಸ್ತೋತ್ರಂ

ಶ್ರೀ ಕನಕಧಾರ ಸ್ತೋತ್ರಂ

ಶ್ರೀ ಕನಕಧಾರ ಸ್ತೋತ್ರಂ

 

ಅಂಗಂ ಹರೇ: ಪುಲಕಭೂಷಣಮಾಶ್ರಯಂತೀ

ಭೃoಗಾಂಗನೇವ ಮುಕುಲಾಭಾರಣಂ ತಮಾಲಂ ।

ಅಂಗೀಕೃತಾಖಲವಿಭೂತಿರಪಾಂಗಲೀಲಾ

ಮಾಂಗಲ್ಯದಾಸ್ತು ಮಮ ಮಂಗಳದೇವತಾಯಾಃ ।।೧।।

ಮುಗ್ಧಾ ಮುಹುರ್ವಿದಧತೀ ವದನೇ ಮುರಾರೇ:

ಪ್ರೇಮತ್ರಪಾಪ್ರಣಿಹಿತಾನಿ ಗತಾಗತಾನಿ ।

ಮಾಲಾ ದೃಶೋರ್ಮಧುಕರೀವ ಮಹೋತ್ಪಲೇ ಯಾ

ಸಾ ಮೇ ಶ್ರಿಯಂ ದಿಶತು ಸಾಗರಸಂಭವಾಯಾಃ ।।೨।।

ಆಮೀಲಿತಾಕ್ಷಮಧಿಗಮ್ಯ ಮುದಾ ಮುಕುಂದಂ

ಆನಂದಕಂದಮನಿಮೇಷಮನಂಗತಂತ್ರಂ ।

ಆಕೇಕರಸ್ಥಿತಕನೀನಿಕಪಕ್ಷ್ಮನೇತ್ರಂ

ಭೂತ್ಯೈ ಭವೇನ್ಮಮ ಭುಜಂಗಶಯಾಂಗನಾಯಾಃ ।।೩।।

ಬಾಹ್ವಂತರೇ ಮಧುಜಿತಃ ಶ್ರಿತಕೌಸ್ತುಭೇ ಯಾ

ಹಾರಾವಲೀವ ಹರಿನೀಲಮಯೀ ವಿಭಾತಿ ।

ಕಾಮಪ್ರದಾ ಭಗವತೋಪಿ ಕಟಾಕ್ಷಮಾಲಾ

ಕಲ್ಯಾಣಮಾವಹತು ಮೇ ಕಮಲಾಲಯಾಯಃ ।।೪।।

ಕಾಲಾಂಬುದಾಳಿಲಲಿತೋರಸಿ ಕೈಟಭಾರೇ:

ಧಾರಾಧರೇ ಸ್ಫುರತಿ ಯಾ ತಡಿದಂಗನೇವ ।

ಮಾತುಸ್ಸಮಸ್ತಜಗತಾಂ ಮಹನೀಯಮೂರ್ತಿ:

ಭದ್ರಾಣಿ ಮೇ ದಿಶತು ಭಾರ್ಗವನಂದನಾಯಾಃ ।।೫।।

ಪ್ರಾಪ್ತಂ ಪದಂ ಪ್ರಥಮತಃ ಖಲು ಯತ್ಪ್ರಭಾವಾತ್

ಮಾಂಗಲ್ಯಭಾಜಿ ಮಧುಮಾಥಿನಿ ಮನ್ಮಥೇನ ।

ಮಯ್ಯಾಪತೇತ್ತದಿಹ ಮಂಥರಮೀಕ್ಷಣಾರ್ಧಂ

ಮಂದಾಲಸಂ ಚ ಮಕರಾಲಯಕನ್ಯಕಾಯಾಃ ।।೬।।

ವಿಶ್ವಾಮರೇಂದ್ರಪದವೀಭ್ರಮದಾನದಕ್ಷಂ

ಆನಂದಹೇತುರಧಿಕಂ ಮುರವಿದ್ವಿಷೋಪಿ ।

ಈಷನ್ನಿಷೀದತು ಮಯಿ ಕ್ಷಣಮೀಕ್ಷಣಾರ್ದ್ಧಂ

ಇಂದೀವರೋದರಸಹೋದರಮಿಂದಿರಾಯಾಯಾಃ ।।೭।। 

ಇಷ್ಟಾ ವಿಶಿಷ್ಟಮತಯೋಪಿ ಯಯಾ ದಯಾರ್ದ್ರ

ದೃಷ್ಟ್ಯಾ ತ್ರಿವಿಷ್ಟಪಪದಂ ಸುಲಭಂ ಲಭಂತೇ ।

ದೃಷ್ಟಿ: ಪ್ರಹೃಷ್ಟಕಮಲೋದರದೀಪ್ತಿರಿಷ್ಟಾಂ

ಪ್ರಷ್ಟಿಂ ಕೃಪೀಷ್ಟ ಮಮ ಪುಷ್ಕರವಿಷ್ಟರಾಯಾಃ ।।೮।।

ದದ್ಯಾದ್ದಯಾನುಪವನೋ ದ್ರವಿಣಾoಬುಧಾರಾಂ

ಅಸ್ಮಿನ್ನಕಿಂಚನವಿಹಂಗಶಿಶೌ ವಿಷಣ್ಣೇ ।

ದುಷ್ಕರ್ಮಘರ್ಮಪನೀಯ ಚಿರಾಯ ದೂರಂ

ನಾರಾಯಣಪ್ರಣಯಿನೀನಯನಾಂಬುವಾಹಃ ।।೯।।

ಗೀರ್ದೇವತೇತಿ ಗರುಡಧ್ವಜಸುಂದರೀತಿ

ಶಾಕಂಬರೀತಿ ಶಶಿಶೇಖರವಲ್ಲಭೇತಿ ।

ಸೃಷ್ಟಿಸ್ಥಿತಿಪ್ರಲಯಕೇಲಿಷು ಸಂಸ್ಥಿತಾ ಯಾ

ತಸ್ಮೈ ನಮಸ್ತ್ರಿಭುವನೈಕಗುರೋಸ್ತರುಣ್ಯೈ ।।೧೦।।

ಶ್ರುತ್ಯೈ ನಮೋಸ್ತು ಶುಭಕರ್ಮಫಲಪ್ರಸೂತ್ಯೈ

ರತ್ಯೈ ನಮೋಸ್ತು ರಮಣೀಯಗುಣಾರ್ಣವಾಯೈ ।

ಶಕ್ತ್ಯೈ ನಮೋಸ್ತು ಶತಪತ್ರನಿಕೇತನಾಯೈ

ಪುಷ್ಟೈ ನಮೋಸ್ತು ಪುರುಷೋತ್ತಮವಲ್ಲಭಾಯೈ ।।೧೧।।

ನಮೋಸ್ತು ನಾಲೀಕನಿಭಾನನಾಯೈ

ನಮೋಸ್ತು ದುಗ್ಧೋದಧಿಜನ್ಮಭೂಮ್ಯೈ ।

ನಮೋಸ್ತು ಸೋಮಾಮೃತಸೋದರಾಯೈ

ನಮೋಸ್ತು ನಾರಾಯಣವಲ್ಲಭಾಯೈ ।।೧೨।।

ನಮೋಸ್ತು ಹೇಮಾಂಬುಜಪೀಠಿಕಾಯೈ

ನಮೋಸ್ತು ಭೂಮಂಡಲನಾಯಿಕಾಯೈ ।

ನಮೋಸ್ತು ದೇವಾದಿದಯಾಪರಾಯೈ

ನಮೋಸ್ತು ಶಾರಂಗಾಯುಧವಲ್ಲಭಾಯೈ ।।೧೩।।

ನಮೋಸ್ತು ದೇವ್ಯೈ ಭೃಗುನಂದನಾಯೈ

ನಮೋಸ್ತು ವಿಷ್ಣೋರುರಸಿ ಸ್ಥಿತಾಯೈ ।

ನಮೋಸ್ತು ಲಕ್ಷ್ಮೈ ಕಮಲಾಲಯಾಯೈ ।

ನಮೋಸ್ತು ದಾಮೋದರವಲ್ಲಭಾಯೈ ।।೧೪।।

ನಮೋಸ್ತು ಕಾಂತ್ಯೈ ಕಮಲೇಕ್ಷಣಾಯೈ

ನಮೋಸ್ತು ಭೂತ್ಯೈ ಭುವನಪ್ರಸೂತ್ಯೈ ।

ನಮೋಸ್ತು ದೇವಾದಿಭಿರರ್ಚಿತಾಯೈ

ನಮೋಸ್ತು ನಂದಾತ್ಮವಲ್ಲಭಾಯೈ ।।೧೫।।

ಸಂಪತ್ಕರಾಣಿ ಸಕಲೇ೦ದ್ರಿಯನಂದನಾನಿ

ಸಾಮ್ರಾಜ್ಯದಾನವಿಭವಾನಿ ಸರೋರುಹಾಕ್ಷಿ ।

ತ್ವದ್ವಂದನಾನಿ ದುರಿತಾಹರಣೋದ್ಯತಾನಿ

ಮಾಮೇವ ಮಾತರನಿಶಂ ಕಲಯಂತು ಮಾನ್ಯೇ ।।೧೬।।

ಯತ್ಕಟಾಕ್ಷಸಮುಪಾಸನವಿಧಿ:

ಸೇವಕಸ್ಯ ಸಕಲಾರ್ಥಸಂಪದಃ ।

ಸಂತನೋತಿ ವಚನಾಂಗಮಾನಸೈ:

ತ್ವಾಂ ಮುರಾರಿಹೃದಯೇಶ್ವರೀಂ ಭಜೇ ।।೧೭।।

ಸರಸಿಜನಿಲಯೇ ಸರೋಜಹಸ್ತೇ

ಧವಳತಮಾಂಶುಕಗಂಧಮಾಲ್ಯಶೋಭೇ ।

ಭಗವತಿ ಹರಿವಲ್ಲಭೇ ಮನೋಘ್ಯೇ

ತ್ರಿಭುವನಭೂತಿಕರಿ ಪ್ರಸೀದ ಮಹ್ಯಂ ।।೧೮।।

ದಿಗ್ಘಸ್ತಿಭಿ: ಕನಕಕುಂಭಮುಖಾವಸೃಷ್ಟ

ಸ್ವರ್ವಾಹಿನೀ ವಿಮಲಚಾರುಜಲಾಪ್ಲುತಾಂಗೀo ।

ಪ್ರಾತರ್ನಮಾಮಿ ಜಗತಾಂ ಜನನೀಮಶೇಷ

ಲೋಕಾಧಿನಾಥ ಗೃಹಿಣೀo ಅಮೃತಾಬ್ಧಿಪುತ್ರೀಮ್ ।।೧೯।।

ಕಮಲೇ ಕಮಲಾಕ್ಷವಲ್ಲಭೇ ತ್ವಂ

ಕರುಣಾಪೂರತರoಗಿತೈರಪಾಂಗೈ: ।

ಅವಲೋಕಯ ಮಾಮಕಿಂಚನಾನಾಂ

ಪ್ರಥಮಂ ಪಾತ್ರಮಕೃತ್ರಿಮಂ ದಯಾಯಾಃ ।।೨೦।।

ದೇವಿ ಪ್ರಸೀದ ಜಗದೀಶ್ವರಿ ಲೋಕಮಾತಃ

ಕಲ್ಯಾಣಗಾತ್ರಿ ಕಮಲೇಕ್ಷಣಜೀವನಾಥೇ ।

ದಾರಿದ್ರ್ಯಭೀತಿಹೃದಯಂ ಶರಣಾಗತಂ ಮಾಮ್

ಆಲೋಕಯ ಪ್ರತಿದಿನಂ ಸದಯೈರಪಾಂಗೈ: ।।೨೧।।

ಸ್ತುವಂತಿ ಯೇ ಸ್ತುತಿಭಿರಮೀಭಿರನ್ವಹಂ

ತ್ರಯೀಮಯೀo  ತ್ರಿಭುವನಮಾತರಂ ರಮಾಮ್ ।

ಗುಣಾಧಿಕಾ ಗುರುತರಭಾಗ್ಯಭಾಗಿನೋ

ಭವಂತಿ ತೇ ಭುವಿ ಬುಧಭಾವಿತಾಶಯಾಃ ।।೨೨।।

।।ಇತಿ ಶ್ರೀಮದ್ ಶಂಕರಾಚಾರ್ಯಕೃತ ಶ್ರೀ ಕನಕಧಾರಸ್ತೋತ್ರಂ ಸಂಪೂರ್ಣಂ।।

ಶ್ರೀ ರಾಘವೇಂದ್ರ ಪ್ರಾತಃ ಸಂಕಲ್ಪ ಸರ್ವ ಸಮರ್ಪಣ ಗದ್ಯo

ಓಂ ಲೌಕಿಕವೈದಿಕ ಭೇದಭಿನ್ನವರ್ಣಾತ್ಮಕ ಧ್ವನ್ಯಾತ್ಮಕ ಅಶೇಷಶಬ್ದಾರ್ಥ

ಋಗಾದಿಸರ್ವೇವೇದಾರ್ಥ ವಿಷ್ಣುಮಂತ್ರಾರ್ಥ ಪುರುಷಸೂಕ್ತಾರ್ಥ

ಗಾಯತ್ರ್ಯರ್ಥ ಶ್ರೀಮನ್ನಾರಾಯಣಾಷ್ಟಾಕ್ಷರಮಂತ್ರಾರ್ಥ

ವಾಸುದೇವದ್ವಾದಶಾಕ್ಷರಮಂತ್ರಾ೦ತರ್ಗತಾಂತ್ಯ ಚತುರಕ್ಷರಾರ್ಥ

ವ್ಯಾಹೃತ್ಯರ್ಥ ಮಾತೃಕಾಮಂತ್ರಾರ್ಥ ಪ್ರಣವೋಪಾಸಕಾನಾಂ

ಪಾಪಾವಿದ್ಧ ದೈತ್ಯಪೂಗಾವಿದ್ಧ ಶ್ರೀವಿಷ್ಣುಭಕ್ತ್ಯಾದ್ಯನಂತಗುಣಪರಿಪೂರ್ಣ

ರಮಾವ್ಯತಿರಿಕ್ತ ಪೂರ್ವಪ್ರಸಿದ್ಧವ್ಯತಿರಿಕ್ತ

ಅನಂತವೇದಪ್ರತಿಪಾದ್ಯಮುಖ್ಯತಮಾ ಅನಂತಜೀವನಿಯಾಮಕ

ಅನಂತರೂಪಭಗವತ್ಕಾರ್ಯಸಾಧಕ ಪರಮದಯಾಳು ಕ್ಷಮಾಸಮುದ್ರ

ಭಕ್ತವತ್ಸಲ ಭಕ್ತಾಪರಾಧಸಹಿಷ್ಣು

ಶ್ರೀಮುಖ್ಯಪ್ರಾಣಾವಾತಾರಭೂತಾನಾಂ ಆಜ್ಞ ಜ್ಞಾನಾರ್ಥಿ ಜ್ಞಾನಯೋಗ್ಯ

ಭಗವತ್ಕೃಪಾಪಾತ್ರಭೂತ ಸಲ್ಲೋಲೋಕಕೃಪಾಲು ಬ್ರಹ್ಮರುದ್ರಾದ್ಯರ್ಥಿತ

ಭಗವದಾಜ್ಞಾಂ ಶಿರಸಿ ಪರಮಾದರೇಣ ಅನರ್ಘ್ಯಶಿರೋರತ್ನವನ್ನಿಧಾಯ

ತಥಾಶೇಷ ದೇವತಾಪ್ರಾರ್ಥನಾನಾಂ ಹಾರವದ್ದ್ಹ್ರುಧಿ ನಿಧಾಯ

ಸರ್ವಸ್ವಕೀಯಸಜ್ಜನಾನುಗ್ರಹೇಚ್ಛಯಾ ಕರ್ಮಭುವ್ಯವತೀರ್ಣಾನಾಂ

ತಥಾವತೀರ್ಯ ಸಕಲಸಚ್ಚಾಸ್ತ್ರಕರ್ತೃಣಾಂ ಸಕಲದುರ್ಮತಭಂಜಕಾನಾಂ

ಅನಾದಿತಃ ಸತ್ಸಂಪ್ರದಾಯಪರಂಪರಾಪ್ರಾಪ್ತ

ಶ್ರೀಮದ್ವೈಷ್ಣವಸಿದ್ಧಾಂತಪ್ರತಿಷ್ಠಾಪಕಾನಾಂ ಅತ ಏವ ಭಗವತ್ಪರಮಾನುಗ್ರಹ

ಪಾತ್ರಭೂತಾನಾಂ ಸರ್ವದಾ ಭಗವದಾಜ್ಞಯಾ ಭಗವತ್ಸನ್ನಿಧೌ

ಪೂಜ್ಯಾನಾಂ ತಥಾ ಭಗವತಾ ದತ್ತವರಾಣಾಂ

ದ್ವಾತ್ರಿಂಶಲ್ಲಕ್ಷಣೋಪೇತಾನಾಂ ತಥಾ ಸಮಗ್ರಗುರುಲಕ್ಷಣೋಪೇತಾನಾಂ

ಅಸಂಶಯಾನಾಂ ಪ್ರಸಾದಮಾತ್ರೇಣ ಸ್ವಭಕ್ತಾಶೇಷಸಂಶಯಚ್ಚೇತ್ರೂಣಾಂ

ಪ್ರಣವಾದ್ಯಶೇಷ ವೈಷ್ಣವಮಂತ್ರೋದ್ಧಾರಕಾಣಾಂ ಸರ್ವದಾ ಸರ್ವವೈಷ್ಣವ

ಮಂತ್ರಜ್ಞಾಪಕಾನಾಂ ಸಂಸಿದ್ಧಸಪ್ತಕೋಟಿಮಹಾಮಂತ್ರಾಣಾಂ ಭಗವತಿ

ಭಕ್ತ್ಯತಿಶಯೇನ ಭಗವದುಪಾಸನಾರ್ಥಂ ಸ್ವೇಚ್ಚಯಾ ಗೃಹೀತರೂಪಾಣಾಂ

ತತ್ರ ತತ್ರ ಪೃಥಕ್ ಪೃಥಕ್ ಭಗವತೋನನಂತರೂಪೇಷು ಪೃಥಕ್ ಪೃಥಗ್ವೇದೋಕ್ತ

ತದನುಕ್ತ ಭಾರತೋಕ್ತ ತದನುಕ್ತ ಸಂಪ್ರದಾಯಾಗತ ಸ್ವೇತರ

ಸ್ವಾಭಿನ್ನತಯಾಪ್ಯಶೇಷಶಕ್ತಿವಿಶೇಷಾಭ್ಯಾಂ ಪೃಥಗ್ವ್ಯವಹಾರ ವಿಷಯ

ಸರ್ವಸಾಮರ್ಥ್ಯೋಪೇತ ನಿರವಧಿಕಾನಂತ ಅನವದ್ಯ

ಕಲ್ಯಾಣಗುಣಪರಿಪೂರ್ಣ ಅನಂತಗುಣೋಪಸಂಹತೃಣಾಂ ತಥಾ ವೇದೋಕ್ತ

ಸರ್ವಕ್ರಿಯೋಪಸಂಹತೃಣಾಂ ಏವಂ ಅನಂತರೂಪಾ ಅವಯವಗುಣ

ಕ್ರಿಯಾಜಾತ್ಯವಸ್ಥಾವಿಶಿಷ್ಟ ಭಗವದುಪಾಸಕಾನಾಂ ಪರಮದಯಾಳೂನಾಂ

ಕ್ಷಮಾಸಮುದ್ರಾಣಾಂ ಭಕ್ತವತ್ಸಲಾನಾಂ ಭಕ್ತಾಪರಾಧಸಹಿಷ್ಣೂನಾಂ

ಸ್ವಭಕ್ತಾನ್ ದುರ್ಮಾರ್ಗಾತ್ ಉದ್ದ್ಹ್ರುತ್ಯ ಸನ್ಮಾರ್ಗಸ್ಥಾಪಕಾನಾಂ ಸ್ವಭಕ್ತಂ

ಮಾಮುದ್ದಿಶ್ಯ ಭಗವತಃ ಪುರಃ ಪರಮದಯಾಳೋ ಕ್ಷಮಾಸಮುದ್ರ

ಭಕ್ತವತ್ಸಲ ಭಕ್ತಾಪರಾಧಸಹಿಷ್ಣೋ ತ್ವದಧೀನಂ ದೀನಂ ದೂನಂ ಅನಾಥಂ

ಶರಣಾಗತಮನೇನಮುದ್ಧರೇತಿ ವಿಜ್ಞಾಪನಕರ್ತೃಣಾಂ

ಸರ್ವಜ್ಞಶಿರೋಮಣೀನಾಂ ಅಶೇಷಗುರ್ವಂತರ್ಯಾಮಿಣಾಂ

ಸದಾಭಗವತ್ಪರಾಣಾಂ ಭಗವತೋನ್ಯತ್ರ ಸರ್ವವಸ್ತುಷು

ಮನಃಸಂಘರಹಿತಾನಾಂ ಸರ್ವತ್ರ ಸರ್ವದಾ ಸರ್ವಾಕಾರ ಸರ್ವಾಧಾರ

ಸರ್ವಾಶ್ರಯ ಸರ್ವೋತ್ಪಾದಕ ಸರ್ವಪಾಲಕ ಸರ್ವಸಂಹಾರಕ

ಸರ್ವನಿಯಾಮಕ ಸರ್ವಪ್ರೇರಕ ಸರ್ವಪ್ರವರ್ತಕ ಸರ್ವನಿವರ್ತಕ

ಯಥಾಯೋಗ್ಯಂ ಸರ್ವಜ್ಞಾನಾಜ್ಞಾನಬಂಧಮೋಕ್ಷಪ್ರದ ಸರ್ವಸತ್ತಾಪ್ರದ

ಸರ್ವಶಭ್ಧವಾಚ್ಯ ಸರ್ವಶಬ್ಧಪ್ರವೃತ್ತಿನಿಮಿತ್ತ

ಸರ್ವಗುಣಾತಿಪರಿಪೂರ್ಣಮುಖ್ಯತಮ ಸರ್ವದೋಷಾತಿದೂರ

ಸರ್ವಾಚಿಂತ್ಯ ಸರ್ವೋತ್ತಮ ಸರ್ವೇಶ್ವರ ಸರ್ವಾತ್ಯಂತವಿಲಕ್ಷಣ

ಸ್ವಗತಭೇದವಿವರ್ಜಿತತ್ವಾದಿನಾ ಭಗವದ್ರಷ್ಪ್ರೂಣಾಂ ಅಭಿಮಾನಾದಿ

ಸರ್ವದೋಷದೂರಾಣಾಂ ಅಸೂಯೇರ್ಷ್ಯಾದಿ ಅಶೇಷ

ಮನೋದೋಷನಿವರ್ತಕಾಂ ನಿತ್ಯಾಪರೋಕ್ಷೀಕೃತ ರಮಾಯುಕ್ತ

ಅಶೇಷಭಗವದ್ರೂಪಾಣಾಂ  ಅತ ಏವ ವಿಲೀನಾಶೇಷ ಪ್ರಕೃತಿಬಂಧಾನಾಂ

ಅಥ ಏವ ದೂರೋತ್ಸಾರಿತ ಅಶೇಷ ಅನಿಷ್ಟಾನಾಂ ಅಥ ಏವ

ಅಶೇಷಭಕ್ತಾಶೇಷಾನಿಷ್ಠ ನಿವರ್ತಕಾನಾಂ ಪ್ರಣವೋಪಾಸಕಾನಾಂ

ಅಸ್ಮದಾದಿಗುರೂಣಾಂ ಶ್ರೀಮದಾನಂದತೀರ್ಥ ಶ್ರೀಮಚ್ಚರಣಾನಾಂ

ಅಂತರ್ಯಾಮಿನ್ ಅನಿರುದ್ಧ ಪ್ರದ್ಯುಮ್ನ ಸಂಕರ್ಷಣ ವಾಸುದೇವಾತ್ಮಕ

ಶ್ರೀಮಧ್ವವಲ್ಲಭ ಶ್ರೀಲಕ್ಷ್ಮೀವೇದವ್ಯಾಸಾತ್ಮಕ ಅಂಡಸ್ಥಿತ

ಅನಂತರೂಪಾವಯವ ಗುಣಕ್ರಿಯಾ ಜಾತ್ಯವಸ್ಥಾವಿಶಿಷ್ಟ ರಮಾಯುಕ್ತ

ಕ್ಷೀರಾಬ್ಧಿ ಶೇಷಶಾಯಿ ಶ್ರೀಪದ್ಮನಾಭಾತ್ಮಕ ಅಂಡಾ೦ಡಹಿರಭಿವ್ಯಕ್ತ

ಶುದ್ಧಸೃಷ್ಟಿತ್ವೇನಾಭಿಮತ ಶ್ರೀಚತುರ್ಮುಖ ಮುಖ್ಯಪ್ರಾಣೋಪಾಸ್ಯತ್ವಾದಿ

ಅನೇಕಪ್ರಯೋಜನಕ ಅನಂತಾನಂತರೂಪ ಮೂಲಭೂತ ತಥಾಶೇಷ

ಜಗತ್ಪಾಲನಪ್ರಯೋಜನಕ ಶಾಂತಿಪತಿ ಅನಿರುದ್ಧ ಮೂಲಭೂತಾಶೇಷ

ಜಗತ್ಸೃಷ್ಟಿಪ್ರಯೋಜನಕ  ಕೃತಿಪತಿ ಪ್ರದ್ಯುಮ್ನ ಮೂಲಭೂತ

ಜಗತ್ಸಂಹಾರಪ್ರಯೋಜನಕ ಜಯಾಪತಿ ಸಂಕರ್ಷಣ ಮೂಲಭೂತ ತಥಾಸ್ವಸ್ವ

ಸಮಗ್ರಯೋಗ್ಯತಾಭಿಜ್ಞ ಪರಮಾನುಗ್ರಹಶೀಲ ಭಗವತ್ಪ್ರೇರಿತ

ಚತುರ್ಮುಖಾದಿ ಸದ್ಗುರೂಪದಿಷ್ಟ ಸ್ವಸ್ವಯೋಗ್ಯ ಭಗವದ್ರೂಪ

ಗುಣೋಪಾಸನಯಾ ಸಂಜಾತ ಸ್ವಸ್ವಯೋಗ್ಯ ಭಗವದ್ರೂಪ

ವಿಶೇಷದರ್ಶನಭೋಗಾಭ್ಯಾಂ ವಿನಿಷ್ಟಾನಿಷ್ಟ ಸಂಜಾತ ಪ್ರಾರಬ್ಧಲಕ್ಷಣ

ಅಶೇಷಕರ್ಮಾಣಾಂ ಸ್ವಸ್ವಯೋಗ್ಯತಾನುಸಾರೇಣ

ಸಂಪೂರ್ಣಸಾಧನಾನಾಂ ಪೂರ್ವಕಲ್ಪೇಬ್ರಹ್ಮಣಾ ಸಹ

ವಿರಜಾನದೀಸ್ನಾನೇನ ತ್ಯಕ್ತಲಿಂಗಾನಾಂ ತಥಾ ವಿನಷ್ಟಾವಶಿಷ್ಟೇಷ್ಟ ಅಶೇಷ

ಪ್ರಾರಬ್ಧಕರ್ಮಾಣಾಂ ಪ್ರಲಯಕಾಲೇ ಭಗವದುದರೇ ವಸತಾಂ

ಅನಂತಮಾತ್ರವಪುಷಾಂ ತದನುಭವರಹಿತಾನಾಂ ಸ್ವಸ್ವಯೋಗ್ಯ

ಭಗವದ್ರೂಪ ವಿಶೇಷಧ್ಯಾನರತಾನಾಂ ಸೃಷ್ಟಿಕಾಲೇ ಭಗವದಾಜ್ಞಯಾ

ಭಗವದುದರಾದ್ಬಹಿರ್ನಿರ್ಗತಾನಾಂ  ಶ್ರೀಶ್ವೇತದ್ವೀಪದರ್ಶನಂ ನಿಮಿತ್ತೀಕೃತ್ಯ

ಪ್ರಧಾನಾವರಣಭೂತಸ್ವೇಚ್ಚಾಪಸರಣೇನ ಸ್ವಸ್ವಯೋಗ್ಯ

ಆನಂದವಿರ್ಭಾವಲಕ್ಷಣ ಮುಕ್ತಿಪ್ರಧಾನಪ್ರಯೋಜನಕ ಮಾಯಾಪತಿ

ಶ್ರೀವಾಸುದೇವಾತ್ಮಕ ಲಕ್ಷ್ಯಾತ್ಮಕ ಪ್ರಲಯಾಬ್ಧಿಸ್ಥ

ಶ್ರೀವಟಪತ್ರಶಾಯ್ಯಾಶೇಷಜಗದುದರ ಅಶೇಷಮುಕ್ತ

ನಾಭಿದೇಶೋರ್ಧ್ವಭಾಗ ಕುಕ್ಷ್ಯಾಖ್ಯದೇಶ ತ್ರಿವಿಧಾಶೇಷಸಂಸಾರಿ

ನಾಭಿದೇಶಾಖಿಲತಮಃಪತಿತ ನಾಭ್ಯಧೋಭಾಗದೇಶ

ಶ್ರೀಭೂಮ್ಯಾಲಿಂಗಿತ ಕಾಲಾದಿಚೇಷ್ಟಕ ಪರಮಾಣ್ವಾದಿ

ಅಶೇಷಕಾಲಾವಯವ ಸೃಷ್ಟ್ಯಾದಿಕರ್ತೃಶೇಷನಾಮಕ

ಪರಮಪುರುಷನಾಮಕ ಶ್ರೀಚತುರ್ಮುಖ ಮುಖ್ಯಪ್ರಾಣೋಪಾಸಿತಚರಣ

ಅನಿರುದ್ಧಾದಿಚತೂರೂಪಾತ್ಮಕ ಗಾಯತ್ರೀನಾಮಕ ಸವಿತೃನಾಮಕ

ರೂಪವಿಶೇಷಾತ್ಮಕ ವ್ಯಾಪ್ತರೂಪ ಬೃಹಚ್ಚರೀರ ಶೂನ್ಯಾಭಿದ

ಕಾಲಾಭಿದ ಕೇವಲಾಭಿದ ಬ್ರಹ್ಮಾಭಿದ ಅನಂತಾಭಿದ

ರೂಪವಿಶೇಷಾತ್ಮಕ ನಿರುಪಚರಿತ ಮೂಲರೂಪನಿರುಪಚರಿತ

ವ್ಯಾಪ್ತಪ್ರತಿಪಾದ್ಯ ಅನಂತತೇಜಃ ಪುಂಜಿತಾದೃಶ

ರಮಾಯುಕ್ತರೂಪವಿಶೇಷಾತ್ಮಕ ಗಾಯತ್ರೀಭೂತವಾಕ್

ಪೃಥಿವೀಶರೀರಹೃದಯಭೇದೇನ ಷಡ್ವಿಧಗಾಯತ್ರೀನಾಮಕ

ಲೋಕವೇದಸಮೀರ ರಮಾಂತರ್ಗತ ಪ್ರಣವಾಖ್ಯತುರೀಯಪಾದೋಪೇತ

ಗಾಯತ್ರೀಪಾದಚತುಷ್ಟಯಪ್ರತಿಪಾದ್ಯ ವೈಕುಂಠಸ್ಥಿತ ಅನಂತಾಸನಸ್ಥಿತ

ಶ್ವೇತದ್ವೀಪಸ್ಥಿತ ಸರ್ವಜೀವಸ್ಥಿತ ರೂಪಭೇದೇನ ಚತೂರೂಪಾತ್ಮಕ

ನಿರುಪಚರಿತ ಸರ್ವವಾಗರ್ಥಪ್ರತಿಪಾದಕ ಶ್ರೀದೇವ್ಯಾದಿ

ರಮಾರೂಪಾಷ್ಟಕ ಅಭಿಮನ್ಯಮಾನ

ಚಕ್ರಶಂಖವರಾಭಯಯುಕ್ತಹಸ್ತಚತುಷ್ಟಯೋಪೇತ

ಪ್ರದೀಪವರ್ಣ ಸರ್ವಾಭರಣಭೂಷಿತ ವಿಶ್ವಾದಿಭಗವದ್ರೂಪಾಷ್ಟಕ

ಪ್ರತಿಪಾದಕ ಅಕಾರಾದ್ಯಷ್ಟಾಕ್ಷರಾತ್ಮಕ ಶ್ರೀಮದ್ಪ್ರಣವಾದ್ಯಷ್ಟಮಹಾಮಂತ್ರ

ಪ್ರತಿಪಾದ್ಯಷ್ಟರೂಪಾತ್ಮಕ ಮಂತ್ರಾಧ್ಯಾಯೋಕ್ತ ಭೂವರಾಹಾದ್ಯಶೇಷ

ವೈಷ್ಣವಮಂತ್ರಪ್ರತಿಪಾದ್ಯ ಭೂವರಾಹಾದ್ಯಶೇಷರೂಪವಿಶೇಷಾತ್ಮಕ

ರಮಾದಿಮಂತ್ರಪ್ರತಿಪಾದ್ಯ ರಮಾದಿನಿಷ್ಠ ರಮಾದಿನಾಮಕರೂಪ

ವಿಶೇಷಾತ್ಮಕ ಶ್ರೀಲಕ್ಷ್ಮೀನೃಸಿಂಹಾತ್ಮಕ ಪರಮದಯಾಳೋ

ಕ್ಷಮಾಸಮುದ್ರ ಭಕ್ತವತ್ಸಲ ಭಕ್ತಾಪರಾಧಸಹಿಷ್ಣೋ ದೇಶಕಾಲಾಧಿಪತೇ

ದೇಹೇ೦ದ್ರಿಯಾಪತೇ ಸೂರ್ಯವಂಶಧ್ವಜ ರಘುಕುಲತಿಲಕ ಲಕ್ಷ್ಮಣ

ಭರತ ಶತ್ರುಘ್ನಾಗ್ರಜ ಶ್ರೀಮದ್ ಹನುಮದುಪಾಸಿತಚರಣ ಸೀತಾಪತೇ

ಶ್ರೀರಾಮಚಂದ್ರ ತ್ವದಾಜ್ಞಯಾ ತ್ವತ್ಪ್ರಸಾದಾತ್ ತ್ವತ್ಪ್ರೇರಣಯಾ

ತ್ವತ್ಪ್ರೀತ್ಯರ್ಥಂ ತ್ವಾಮುದ್ದಿಶ್ಯ ತ್ವಾಮನುಸ್ಮರನ್ನೇವ ತ್ವದಾಜ್ಞಯಾ

ನಿಯತೇನ ಮನ್ನಿಯಾಮಕೇನ ಸತ್ತಾಪ್ರದವಾಯುನಾಮಕ

ಚೇಷ್ಟಾಪ್ರದಪ್ರಾಣನಾಮಕ ಧಾರಣಪ್ರದಧರ್ಮನಾಮಕ

ಮುಕ್ತಿಪ್ರದಭಕ್ತಿನಾಮಕ ರೂಪವಿಶೇಷೈ: ಮದ್ಧೃಧಿಸ್ಥಿತೇನ

ಪರಮದಯಾಲುನಾ ಕ್ಷಮಾಸಮುದ್ರೇಣ ಭಕ್ತವತ್ಸಲೇನ

ಭಕ್ತಾಪರಾಧಸಹಿಷ್ಣುನಾ ಸರ್ವಸ್ವಾಮಿನಾ ಸರ್ವಪ್ರೇರಕೇಣ

ಸರ್ವತಾತ್ವಿಕದೇವತಾಪ್ರೇರಕೇಣ  ಸರ್ವತಾತ್ವಿಕಸುರಭಂಜಕೇನ ತಥಾ

ತತ್ಪ್ರೇರಣಾಪ್ರಯುಕ್ತಾಶೇಷ ದುರ್ಮತಭಂಜಕೇನ ಅತ ಏವ

ಪ್ರಭಂಜನಶಬ್ದವಾಚ್ಯೇನ ಪ್ರತಿದಿನಂ ಪ್ರತಿಕ್ಷಣಂ ಬುದ್ಧಿಶೋಧಕೇನ

ಸರ್ವಕರ್ಮಕರ್ತ್ರಾ ಸರ್ವಕರ್ಮಕಾರಯಿತ್ರಾ ಸರ್ವಕರ್ಮಸ್ವಾಮಿನಾ

ಸರ್ವಕರ್ಮಸಮರ್ಪಕೇಣ ಸರ್ವಕರ್ಮಫಲಭೋಕ್ತ್ರಾ

ಸರ್ವಕರ್ಮಫಲಭೋಜಯಿತ್ರಾ ಸರ್ವಕರ್ಮಪ್ರೇರಕೇಣ

ಸರ್ವಕರ್ಮೋದ್ಭೋದಕೇನ ಸರ್ವಕರ್ಮಶುದ್ಧಿಪ್ರದೇನ

ಸರ್ವಕರ್ಮಸಿದ್ಧಿಪ್ರದೇನ ಸರ್ವಕರ್ಮನಿಷ್ಟೇನ ಸರ್ವಕರ್ಮಸಾಕ್ಷಿಣಾ

ಸರ್ವಕರ್ಮನಿಷ್ಟಭಗವದ್ರೂಪೋಪಾಸಕೇನ ಅಥ ಏವ

ಅಶೇಷಜೀವನಿ:ಸಂಘೌನಾದಿಕಾಲೀನ ಧರ್ಮಾಧರ್ಮ

ದ್ರಷ್ಟ್ರು ಸ್ವೇಚ್ಛಯೋದ್ಭೋದಕೇನ ತದ್ವಾಚಕ ಕಪಿಲೋಪಾಸಕೇನ

ರಮಾವ್ಯತಿರಿಕ್ತ ಪೂರ್ವಪ್ರಸಿದ್ಧವ್ಯತಿರಿಕ್ತ

ಅನಂತವೇದಪ್ರತಿಪಾದ್ಯಮುಖ್ಯತಮೇನ ಅನಂತಗುಣಪರಿಪೂರ್ಣೇನ

ಸರ್ವದೋಷದೂರೇಣ ತ್ವಚ್ಚಿತ್ತಾಭಿಜ್ಞ್ನೇನ ತ್ವಚ್ಚಿತ್ತಾನುಸಾರಿಚಿತ್ತೇನ

ತ್ವತ್ಪರಮಾನುಗ್ರಹಪಾತ್ರಭೂತೇನ ಮದ್ಯೋಗ್ಯತಾಭಿಜ್ಞ್ನೇನ

ಶ್ರೀಭಾರತೀರಮಣೇನ ರುದ್ರಾದ್ಯಶೇಷತಾತ್ವಿಕದೇವತೋಪಾಸಿತ

ಚರಣೇನ ಮಮ ಸರ್ವಾಸ್ವವಸ್ಥಾಸು ಚಿತ್ರಧಾ ವಿಚಿತ್ರಧಾ ತ್ವದುಪಾಸಕೇನ

ಶ್ರೀಮುಖ್ಯಪ್ರಾಣೇನ ಪ್ರೇರಿತಃಸನ್ ತ್ವತ್ಸಂಸ್ಮೃತಿಪೂರ್ವಕಂ ಶಯನಾತ್

ಸಮುತ್ಥಾಯದ್ಯತನಂ ಸ್ವವರ್ಣಾಶ್ರಮೋಚಿತಂ ದೇಶ ಕಾಲ

ಅವಸ್ಥೋಚಿತಂ ನಿತ್ಯ ನೈಮಿತ್ತಕ ಕಾಮ್ಯಭೇದೇನ ತ್ರಿವಿಧಂ

ತ್ವತ್ಪೂಜಾತ್ಮಕಂ ಕರ್ಮ ಯಥಾಶಕ್ತಿ ಯಥಾಜ್ಞಪ್ತಿ ಯಥಾವೈಭವಂ ಕರಿಷ್ಯೇ

ಮದಾಜ್ಞಾಕಾರಿಭಿ: ವಿದ್ಯಾಸಂಬಂಧಿಭಿ: ದೇಹಸಂಬಂಧಿಶ್ಚ ತ್ವದೀಯೈ:

ಅಶೇಷಜನೈ: ತ್ವತ್ಸರ್ವಕರ್ಮಕರ್ತೃತ್ವ ಕಾರಯಿತೃತ್ವಾದಿ

ಅನುಸಂಧಾನಪೂರ್ವಕಂ ಕಾರಯಿಷ್ಯೇ ಚ ।।

।।ಇತಿ ಶ್ರೀ ರಾಘವೇಂದ್ರಾಖ್ಯಯತಿನಾ ಕೃತಮಂಜಸಾ

ಪ್ರಾತಃಸಂಕಲ್ಪಗದ್ಯಂ ಸ್ಯಾತ್ ಪ್ರೀತ್ಯೈ ಮಾಧವಮಧ್ವಯೋ:।।

ಸರ್ವಸಮರ್ಪಣಗದ್ಯಂ

ಜಾಗ್ರತ್ಸ್ವಪ್ನಸುಷುಪ್ತಾಖ್ಯ ಅವಸ್ಥಾತ್ರಯನಿಯಾಮಕ ಮದಂತರ್ಯಾಮಿ

ಮುಖ್ಯಪ್ರಾಣಾಂತರ್ಗತ ವಿಶ್ವ ತೈಜಸ ಪ್ರಾಜ್ಞಾತ್ಮಕ

ಹಿಂಕಾರಾದಿಷಟ್ಸಾಮಪ್ರತಿಪಾದ್ಯ

ಷಟ್ಕಾಲನಿಯಾಮಕ ಅನಿರುದ್ಧ ಪ್ರದ್ಯುಮ್ನ ಸಂಕರ್ಷಣ ವಾಸುದೇವ

ವರಾಹ ನಾರಸಿಂಹ ಷಣ್ಮೂರ್ತ್ಯಾತ್ಮಕ ಸ್ವಹೃದಯಮಧ್ಯಸ್ಥಿತ

ಸುಷುಮ್ನಾನಾಡೀದಕ್ಷಿಣಪಾರ್ಶ್ವಸ್ಥಿತ ಪಂಚೌಶತ್ ಸಂಖ್ಯೌಕ

ವ್ಯಂಜನಾರ್ಣಪ್ರತಿಪಾದ್ಯ ತಾವತ್ಸಂಖ್ಯೌಕೇಡಾನಾಡೀಷು ತತ್ತದ್ಯೋಗ್ಯ

ತತ್ತತ್ಕಾಲಾನುಸಾರಪ್ರಾಪ್ತ ತತ್ತನ್ನಾಡೀಸ್ಥಿತ ಬೃಹತೀಛಂದ

ಋಕ್ಸಹಸ್ರಗತ ಶಟ್ತ್ರಿಂಶತ್ಸಹಸ್ರ ಸ್ವರಾಖ್ಯಾಕ್ಷರಪ್ರತಿಪಾದ್ಯ ತನ್ನಿಷ್ಟ

ತನ್ನಿಯಾಮಕ ಪ್ರಾತರ್ಮಧ್ಯ೦ದಿನಸಾಯಮಾಖ್ಯ ಸವನತ್ರಯ

ತತ್ತತ್ಕಾಲೀನ ತದಭಿಮಾನಿ ವಸುರುದ್ರಾದಿತ್ಯೋಪಾಸ್ಯ

ಪರಮಾಣುಸಂಬಂಧಿ ತಾವತ್ಸಂಘೌಕ ಅಹರ್ನಿಯಾಮಕ ಅಹರ್ನಾಮಕ

ಮುಖ್ಯಪ್ರಾಣೋಪಾಸ್ಯ ರಮಾಯುಕ್ತ ಪುರುಷರೂಪಾತ್ಮಕ

ಪ್ರಾದೇಶಮಾತ್ರ ಹೃದಯವ್ಯಾಪಕ ಪ್ರಾದೇಶಪರಿಮಿತಸ್ಥಾನೇಶಾತ್ಮಕ

ದೇಹಾಂತರ್ಗತ ದೇಹಾಂಗುಷ್ಠಪರಿಮಿತ ಜೀವಾಂತರ್ಗತ   ಜೀವಾಂಗುಷ್ಠಪರಿಮಿತ

ಸ್ವಹೃದಯಕಮಲಕರ್ಣಿಕಾಮೂಲಸ್ಥಿತ ಮೂಲೇಶಾತ್ಮಕ

ತಾವತ್ಪರಿಮಿತಕರ್ಣಿಕಾಗ್ರಸ್ಥಿತ ಬಿಂಬರೂಪೇ

ಜೀವೇಶತ್ವದೃಷ್ಟ್ಯಾನಾದಿಕಾಲತಃ

ಪ್ರಾಪ್ತಮದೀಯಶುಭಾಶುಭಕರ್ಮಣೋರ್ಮಧ್ಯೇ

ಶುಭಕರ್ಮಾನುಸಾರತಸ್ತತ್ಪ್ರೇರಿತೇನ ಮುಖ್ಯಪ್ರಾಣೇನ

ತತ್ತ್ವಾಭಿಮಾನಿದೇವತಾದ್ವಾರಾನುಕಾರಿತ ಅವಸ್ಥಾತ್ರಯನಿಯಾಮಕ

ಅನುಭವಕಾಲಘಟಿತ ಶ್ರೀವಿಷ್ಣುಸ್ವಾತಂತ್ರ್ಯ ಸ್ಮೃತಿಪ್ರದಾನಕ ನಿತ್ಯ

ನೈಮಿತ್ತಿಕ ಕಾಮ್ಯಭೇದೇನ ತ್ರಿವಿಧವಿದ್ಯಾಶ್ರಿತ

ಸ್ವವರ್ಣಾಶ್ರಮೋಚಿತಸಂಕಲ್ಪಿತ ಭಗವತ್ಪೂಜಾತ್ಮಕ

ಕರ್ಮಫಲಜನ್ಯಫಲೇನ ಅಪರೋಕ್ಷಜ್ಞಾನಾತ್

ಪೂರ್ವಮಂತಃಕರಣಶುದ್ಧಿದ್ವಾರಾ ತದುಪಾಸಕೇನ ತತಃ ಪರಂ

ಭಗವದಿಚ್ಚಯಾ ಪ್ರಾಪ್ತ ನಿಜಗುರೂಪದಿಷ್ಟ ಸ್ವಬಿಂಬವಿಷಯಕ

ಪೂರ್ಣಸಚ್ಚಿದಾನಂದಾತ್ಮಕ ಚತುರ್ಗುಣಾದ್ಯುಪಾಸನ

ಜಿಜ್ಞಾಸಾದ್ಯುಪಾಸಾದಿಭಿ: ಸ್ವಬಿಂಬಾಪರೋಕ್ಷಜ್ಞಾನೋತ್ಪಾದಕೇನ

ಮನುಷ್ಯೋತ್ತಮಮಾರಭ್ಯ ಚತುರ್ಮುಖಪರ್ಯಂತಾನಾಂ

ಪಂಚವಿಧಮುಕ್ತಿಯೋಗ್ಯಾನಾಂ ಚ ಸ್ವಬಿಂಬೋಪಾಸಿಭಿ: ಲಿಂಗೌಪಗಮೇ

ಸ್ವರೂಪಾನಂದಾವಿರ್ಭಾವ ವೈಚಿತ್ರ್ಯಾನಂದಪ್ರದಜ್ಞಾನೇನ ತ್ವಯಿ

ಸಮರ್ಪಿತೇನ ತ್ವತ್ಪೂಜೈವಾಸ್ತು

ತಥಾ ಮದೀಯಶುಭಾಶುಭ ಕರ್ಮಣೋರ್ಮಧ್ಯೇ

ಅಶುಭಕರ್ಮಾನುಸಾರೇಣ ತ್ವತ್ಪ್ರೇರಿತಮುಖ್ಯಪ್ರಾಣೇನ ತತ್ತ್ವಾಭಿಮಾನಿ

ಅಸುರಮಾರಭ್ಯ ಕಲಿಪರ್ಯಂತಾನಾಂ ತಮೋಯೋಗ್ಯಾನಾಂ

ಪಾಪಬಾಧಿಭಿರ್ಗದಾಯುಧಪ್ರದಾನೇನ ಮಹಾತಮಸಿ ಸ್ಥಿತಾನಾಂ

ದುಃಖಾನುಭವೇನ ಸ್ವರೂಪಭೂತದುಃಖಾತಿಶಯಪ್ರದಾತೇತಿ ಜ್ಞಾನೇನ

ತ್ವಯಿ ಸಮರ್ಪಿತೇನ ತ್ವತ್ಪೂಜೈವಾಸ್ತು ।।

।।ಇತಿ ಶ್ರೀ ರಾಘವೇಂದ್ರತೀರ್ಥಕೃತ ಸರ್ವಸಮರ್ಪಣ ಗದ್ಯಂ।।