ಮುಖ್ಯಪ್ರಾಣದೇವರ ಉಗಾಭೋಗಗಳು ಮತ್ತು ಸುಳಾದಿಗಳು - ೧೨

ಎನ್ನೊಡನೆ ಹನುಮ

ಹನುಮನೇ ಎನ್ನೊಡೆಯ ಘನ್ನಕದರುಮಂಡಲಗಿ

ಹನುಮಯ್ಯ ಎನ್ನೊಡೆಯ

ಎನ್ನಯ್ಯ ಶ್ರೀ ತಂದೆ ಮುದ್ದುಮೋಹನ ವಿಠಲ ಭಕ್ತ

ಘನ್ನ ಹನುಮಯ್ಯನೇ ಎನ್ನೊಡೆಯ॥

ಮುಖ್ಯಪ್ರಾಣದೇವರ ಉಗಾಭೋಗಗಳು ಮತ್ತು ಸುಳಾದಿಗಳು - ೧೧

ಮಧ್ವರಾಯರ ಭಾಗ್ಯ ಎಂಥದೋ ವರ್ಣಿಸಲು

ಶುದ್ಧಸತ್ತ್ವಾತ್ಮಕವಾದ ಶರೀರವು

ಅದ್ವೈತಮತವೆಂಬೋ ಅರಣ್ಯವ ಪೊಕ್ಕು

ವಿಧ್ವಂಸ ಮಾಡಿ ವಾದಿಗಳನೆ ಗೆದ್ದು

ಪದ್ಧತಿ ತಪ್ಪದಂತೆ ಮತವನುದ್ಧರಿಸಿ

ವೃದ್ಧಿಗೈಸಿದರು ಸರ್ವಸಜ್ಜನರನ್ನು

ಸಿದ್ಧರಾವೆಂದು ಗೀರ್ವಾಣರೆಲ್ಲರು

ಎದ್ದೆದ್ದು ಕುಣಿದರು ಕರವ ಹೊಡೆದು

ವಿದ್ವಾಂಸನಾನೆಂದು ಅಹಂಕರಿಸಿದೆ ಇವರ

ಪಾದಪದ್ಮದಲ್ಲಿ ಅತಿದೃಢಭಕುತಿ ಮಾಡಿ

ಮಧ್ವರಾಯರೆ ನಮಗೆ ಉದ್ಧಾರಕರೆಂದು

ಪದೇಪದೆಗೆ ತಿಳಿದು ಕೊಂಡಾಡಿದರೆ

ಸಿದ್ಧಿದಾಯಕ ಸಿರಿ ಮೋಹನ ವಿಠಲ

ಹೃದ್ದೃಷ್ಟಿಯಲಿ ನಿಂತು ಸಲಹುವನು ಬೇಗ॥

ಮುಖ್ಯಪ್ರಾಣದೇವರ ಉಗಾಭೋಗಗಳು ಮತ್ತು ಸುಳಾದಿಗಳು - ೧೦

ಹನುಮ ಭೀಮ ಮಧ್ವಮುನಿಯ

ಗುಣಧಾಮ ಹರಿಪಾದ ಸೇವೆಯೊಳಧಿಕ ಪ್ರೇಮ

ಅಂಜನೇ ವರಪುತ್ರ ಅಕಳಂಕ ಚರಿತ್ರ

ಸಂಜೀವ ಗಿರಿಧರನೆ ಸಾಧುವರನೆ

ಸೀತೆಗುಂಗುರವಿತ್ತು ಪ್ರೀತಿಪಡಿಸಿದ ಹನುಮ

ರಾಮದೂತನೆಂದು ಎನಿಸಿಕೊಂಡು

ಶರಣು ಶರಣೆಂಬೆ ನಾ ನಿನ್ನ ಚರಣಗಳಿಗೆ

ದುಷ್ಟಸಂಹಾರ ಭಕ್ತರುದ್ಧಾರ ಹಯವದನ ದೂತ ದುರಿತ ದೂರ॥

ಮುಖ್ಯಪ್ರಾಣದೇವರ ಉಗಾಭೋಗಗಳು ಮತ್ತು ಸುಳಾದಿಗಳು - ೯

ಬರುವುದು ಬುದ್ಧಿಯು ಬಲವು ಕೀರುತಿಯು

ನಿರುತದಿ ಧೈರ್ಯವು ನಿರ್ಭಯತ್ವವು

ಆರೋಗ್ಯಾನಂದ ಅಜಾಡ್ಯ ವಾಕ್ಪಟುತ್ವವು

ಹರೇ ರಂಗವಿಠಲ ಹನುಮಾ ಎನಲು||

ಮುಖ್ಯಪ್ರಾಣದೇವರ ಉಗಾಭೋಗಗಳು ಮತ್ತು ಸುಳಾದಿಗಳು - ೯

ಬರುವುದು ಬುದ್ಧಿಯು ಬಲವು ಕೀರುತಿಯು

ನಿರುತದಿ ಧೈರ್ಯವು ನಿರ್ಭಯತ್ವವು

ಆರೋಗ್ಯಾನಂದ ಅಜಾಡ್ಯ ವಾಕ್ಪಟುತ್ವವು

ಹರೇ ರಂಗವಿಠಲ ಹನುಮಾ ಎನಲು||